കൊച്ചി: എറണാകുളം ഉദയം പേരൂർ നടക്കാവിൽ കള്ളനോട്ട് പിടികൂടി. വാടക വീട് കേന്ദ്രീകരിച്ച് കള്ളനോട്ട് ഇടപാട് നടക്കുന്നുവെന്ന രഹസ്യവിവരത്തെ തുടർന്ന് പോലീസ് നടത്തിയ പരിശോധനയിലാണ് കള്ളനോട്ട് കണ്ടെത്തിയത്. സംഭവത്തില്‍ ഇരുമ്പനം സ്വദേശി പ്രിയങ്കൻ കുമാറിനെ പൊലീസ് അറസ്‌റ്റ് ചെയ്‌തു. 2000 രൂപയുടെ 86 കള്ളനോട്ടുകളാണ് പിടികൂടിയത്.
പ്രതിയെ പൊലീസ് ചോദ്യം ചെയ്‌തുവരികയാണ്. നിയമസഭാ തിരഞ്ഞെടുപ്പ് വേളയിലെ ഇത്രയും വലിയ കള്ളനോട്ട് ഇടപാടായതിനാൽ പോലീസ് അന്വേഷണം ശക്‌തമാക്കുകയാണ്. കള്ളനോട്ട് ഇടപാടില്‍ മറ്റു പ്രതികളുണ്ടോയെന്ന് അന്വേഷിക്കുന്നുണ്ടെന്നും പ്രതിയെ ചോദ്യം ചെയ്‌ത ശേഷം അന്വേഷണം വിപുലീകരിക്കുമെന്നും പോലീസ് അറിയിച്ചു.
Read Also: എല്ലുകൾക്ക് പൊട്ടൽ; വേദനയോടെ ഒരു ദിവസം; തന്നെ കൊക്കയിലേക്ക് തള്ളിയെന്ന് പെൺകുട്ടി
