മൂവാറ്റുപുഴ: ക്ഷേത്രങ്ങളിലെ ആചാരങ്ങളിലും അനുഷ്‌ഠാനങ്ങളിലും കാലാനുസൃതമായ മാറ്റങ്ങൾ കൊണ്ടുവരണമെന്ന് എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശൻ. ക്ഷേത്രങ്ങളിൽ തൊഴാനെത്തുന്ന പുരുഷൻമാർ ഷർട്ട് ഊരണമെന്ന ആചാരം ചില തന്ത്രിമാർ കൊണ്ടുവന്ന തട്ടിപ്പാണെന്നും അദ്ദേഹം ആരോപിച്ചു.
മൂവാറ്റുപുഴയിൽ ശ്രീകുമാര ഭജന ദേവസ്വം ക്ഷേത്രത്തിന്റെ അലങ്കാര ഗോപുര സർപ്പണം നിർവഹിക്കുന്നതിനിടെയാണ് വെള്ളാപ്പള്ളി ഇക്കാര്യം പറഞ്ഞത്. ആത്‌മീയ കേന്ദ്രങ്ങൾ സാമൂഹിക ക്ഷേമ കേന്ദ്രങ്ങളാക്കി മാറ്റണം. ഇതിനായി ആചാരങ്ങളിലും അനുഷ്‌ഠാനങ്ങളിലും മാറ്റങ്ങൾ കൊണ്ടുവരേണ്ടത് അനിവാര്യമാണ്.
ഭഗവാന് പണം ആവശ്യമില്ല. ഭഗവാന്റെ പേരിൽ വരുന്ന പണം പട്ടിണിയായ ഭക്‌തന് വിശപ്പ് മാറ്റാൻ ഉപയോഗിക്കണമെന്നും വെള്ളാപ്പള്ളി പറഞ്ഞു.
Most Read: ഡോണെറ്റിക്‌സിൽ സ്‍ഫോടനം നടത്തി യുക്രൈൻ സൈന്യം; മരണം 16
