ന്യൂഡെൽഹി: ഉപരാഷ്‍ട്രപതി എം വെങ്കയ്യ നായിഡുവിന് കോവിഡ്. ട്വിറ്ററിലൂടെ ഇക്കാര്യം അറിയിച്ച ആദ്ദേഹം താനുമായി സമ്പര്‍ക്കത്തിൽ ഏർപ്പെട്ടവര്‍ സ്വയം നിരീക്ഷണത്തില്‍ പോകാനും പരിശോധന നടത്താനും ആവശ്യപ്പെട്ടു. ഉപരാഷ്‍ട്രപതി ഒരാഴ്‌ചത്തെ ക്വാറന്റെയ്‌നിൽ പ്രവേശിച്ചിരിക്കുകയാണ്.
അതേസമയം രാജ്യത്ത് ഒമൈക്രോണ്‍ സമൂഹ വ്യാപനത്തിലേക്കെന്ന് കേന്ദ്ര ആരോഗ്യവകുപ്പിന് കീഴിലുള്ള ഇന്‍സാകോഗ് സമിതി മുന്നറിയിപ്പുനല്‍കി. മെട്രോ നഗരങ്ങളില്‍ പലയിടത്തും സമൂഹ വ്യാപനം സംഭവിച്ചതായും ഒമൈക്രോണിന്റെ സാംക്രമിക വകഭേദമായ BA.2 ലൈനേജ് രാജ്യത്ത് സ്‌ഥിരീകരിച്ചതായും ഇന്‍സാകോഗ് പുറത്തിറക്കിയ ബുള്ളറ്റിനില്‍ വ്യക്‌തമാക്കുന്നു.
Read also: ക്ളബ്ഹൗസിലൂടെ മുസ്‌ലിം സ്‌ത്രീകൾക്ക് എതിരെ വിദ്വേഷ പ്രചാരണം; മലയാളിയെ ചോദ്യം ചെയ്‌തു
