പാറ്റ്ന: ബീഹാറില് വിജയം മഹാസഖ്യത്തിന് തന്നെയായിരിക്കുമെന്ന് ആവര്ത്തിച്ച് ആര്ജെഡി. തിരഞ്ഞെടുപ്പ് ഫലത്തെക്കുറിച്ച് ആശങ്കപ്പെടേണ്ട സാഹചര്യമില്ലെന്നും ആര്ജെഡി വക്താവ് പറഞ്ഞു.
കണ്കെട്ട് കളിക്കാന് പലരും ശ്രമിക്കുമെന്ന് തങ്ങള്ക്കറിയാമെന്നും എന്നാല് വിജയം മഹാസഖ്യത്തിന് തന്നെയായിരിക്കുമെന്നാണ് പറയാനുള്ളതെതെന്നും ആര്ജെഡി നേതാവ് മനോജ് ത്ധാ പറഞ്ഞു. കോവിഡ് സാഹചര്യം ഉള്ളത് കൊണ്ടാണ് വോട്ടെണ്ണല് വൈകുന്നതെന്നും അദ്ദേഹം പറഞ്ഞു.
അതേസമയം വോട്ടെണ്ണല് പുരോഗമിക്കുമ്പോള് നിലവിലെ ലീഡ് നില അടിസ്ഥാനപ്പെടുത്തി ഒരു പാര്ട്ടിയുടേയും വിജയം ഉറപ്പിക്കാനാവില്ല. വോട്ടെണ്ണല് ആരംഭിച്ച് ആറ് മണിക്കൂറുകള് പിന്നിടുമ്പോഴും ചുരുങ്ങിയ ശതമാനം വോട്ടുകള് മാത്രമാണ് എണ്ണിയത്. അതുകൊണ്ട് തന്നെ നിലവിലെ കണക്കുകള് പ്രകാരം ഒരു കക്ഷിക്കും ഭൂരിപക്ഷം പ്രവചിക്കാന് സാധിക്കില്ല.
Read also: ‘അര്ണബിനല്ല, സഞ്ജീവ് ഭട്ട് ഐപിഎസിനാണ് നീതി നിഷേധിച്ചത്’; ട്വിറ്റര് ക്യാമ്പയിന്