കണ്ണൂർ: തലശ്ശേരി സബ് ആർടി ഓഫീസിൽ വിജിലൻസിന്റെ മിന്നൽ പരിശോധനയിൽ കണക്കിൽപ്പെടാത്ത പണം പിടിച്ചെടുത്തു. മൂന്ന് ഉദ്യോഗസ്ഥരുടെ പേരിൽ നടപടി ഉണ്ടായേക്കും എന്നാണ് ലഭ്യമാകുന്ന വിവരങ്ങൾ. ഫയലുകൾ സൂക്ഷിക്കുന്ന മുറിയിൽ നിന്ന് 5160 രൂപയും ഉദ്യോഗസ്ഥരിൽ നിന്നും 2655 രൂപയും പിടികൂടി.
ഏജന്റുമാരുടെ അമിത ഇടപെടലാണ് ഓഫീസിനെതിരെ പരാതി ഉയരാൻ കാരണം. നേരിട്ട് നൽകുന്ന അപേക്ഷകൾ സ്വീകരിക്കാതെയും, തീർപ്പാക്കാതെയും മുൻപോട്ടു പോവുന്നത് സേവന അവകാശ ലംഘനമാണെന്ന് വിജിലൻസ് ചൂണ്ടിക്കാണിക്കുന്നു. ഈ വർഷം ആദ്യം നൽകിയ അപേക്ഷകൾ പോലും പരിഗണിച്ചിട്ടില്ല.
Also Read: ദിലീപിന്റെ ജാമ്യം റദ്ദാക്കണമെന്ന് പ്രോസിക്യൂഷന്; ഹരജി ഇന്ന് പരിഗണിക്കും
ഇന്നലെ ഉച്ചയ്ക്ക് ശേഷമാണ് വിജിലൻസ് റെയ്ഡ് തുടങ്ങിയത്. വിജിലൻസ് ഡിവൈഎസ്പി ബാബു പെരിങ്ങോത്ത്, സിഐ ദിനേശൻ, കോഴിക്കോട് വിജിലൻസ് സംഘത്തിൽ നിന്നുള്ള മൂന്നു സിഐ റാങ്കിലുള്ള ഉദ്യോഗസ്ഥർ എന്നിവരാണ് സംഘത്തിൽ ഉണ്ടായിരുന്നത്.