ചെന്നൈ: മുന് തമിഴ്നാട് ഗതാഗത മന്ത്രിയും അണ്ണാ ഡിഎംകെ നേതാവുമായ എംആര് വിജയഭാസ്കറിന്റെ വീടുകളിൽ ഉള്പ്പെടെ 21 കേന്ദ്രങ്ങളില് വിജിലന്സ് ഇന്ന് റെയ്ഡ് നടത്തി. ഗതാഗത മന്ത്രിയായിരിക്കെ എംആര് വിജയഭാസ്കർ വ്യാപക അഴിമതി നടത്തിയതായി വ്യാപക പരാതികൾ ഉയർന്നിരുന്നു. അണ്ണാ ഡിഎംകെ കരൂര് ജില്ലാ സെക്രട്ടറി കൂടിയാണ് ഇദ്ദേഹം.
ഇന്ന് രാവിലെ ഏഴ് മണി മുതല് കരൂര് ആണ്ടാള് കോവില് ശെല്വന് നഗര്, ചെന്നൈ രാജാ അണ്ണാമലൈപുരം, ഗ്രീന്വേസ് റോഡിലെ അപ്പാര്ട്ട്മെന്റ് തുടങ്ങിയ സ്ഥലങ്ങളിലെ വീടുകളിലും ഓഫിസുകളിലുമാണ് പരിശോധന നടന്നത്. സംസ്ഥാനത്ത് അധികാരം ലഭിച്ചാൽ അണ്ണാ ഡിഎംകെ മന്ത്രിമാര് നടത്തിയ അഴിമതികളെക്കുറിച്ച് അന്വേഷിക്കുമെന്ന് എംകെ സ്റ്റാലിന് പ്രഖ്യാപിച്ചിരുന്നു.
അതേസമയം റെയ്ഡ് രാഷ്ട്രീയ പ്രേരിതമാണെന്ന് അണ്ണാ ഡിഎംകെ നേതാക്കളായ ഒ പന്നീര്ശെല്വവും എടപ്പാടി പളനിസാമിയും കുറ്റപ്പെടുത്തി.
Read also: വ്യക്തമായ അജണ്ട നൽകിയാൽ കേന്ദ്രവുമായി ചർച്ചക്ക് തയ്യാർ; രാകേഷ് ടിക്കായത്ത്