തളിപ്പറമ്പ്: തളിപ്പറമ്പ് മേഖലയില്‍ വിജിലന്‍സ് നടത്തിയ മിന്നല്‍ പരിശോധനയില്‍ 7 ലോറികള്‍ പിടിയില്‍. കരിങ്കല്‍ ഉല്‍പന്നങ്ങള്‍ അനധികൃതമായി കടത്തുന്നതിനിടയിലാണ് ലോറികള്‍ പിടികൂടിയത്. വിജിലന്‍സ് ഇൻസ്‌പെക്‌ടർ ടി.പി സുമേഷിന്റെ നേതൃത്വത്തിലുള്ള സംഘമാണ് ലോറികള്‍ പിടികൂടിയത്. ക്വാറികളില്‍ നിന്നും, ക്രഷറുകളില്‍ നിന്നും അനധികൃതമായി കരിങ്കല്‍ ഉല്‍പന്നങ്ങള്‍ കടത്തുന്നത് വ്യാപകമായ സാഹചര്യത്തില്‍ സംസ്ഥാനത്തുടനീളം വിജിലന്‍സ് പരിശോധന നടത്തിയിരുന്നു. ഇതിന്റെ ഭാഗമായാണ് തളിപ്പറമ്പിലും പരിശോധന നടത്തിയത്.
ആലക്കോട് റോഡിലും തളിപ്പറമ്പ് – ശ്രീകണ്ഠപുരം റോഡിലുമാണ് ലോറികള്‍ പിടികൂടിയത്. പിടികൂടിയ 7 ലോറികളില്‍ 5 ലോറികള്‍ക്കും കരിങ്കല്‍ ഉല്‍പന്നങ്ങള്‍ കടത്താന്‍ ഒരു പാസും ഉണ്ടായിരുന്നില്ല. ലോറികള്‍ ജിയോളജി വകുപ്പിന് കൈമാറി. പാസില്‍ കവിഞ്ഞുള്ള ലോഡ് കയറ്റിയതിന് രണ്ടു ലോറികളെ ആര്‍.ടി.ഒക്കും കൈമാറി.
Read also: ഹത്രസ്; കുടുംബം തടവിലാണെന്ന വാദം തള്ളി അലഹബാദ് ഹൈക്കോടതി
