വിജയ് നായകനായ പുതിയ ചിത്രം ‘ബീസ്‌റ്റ്’ ഒടിടി സ്‌ട്രീമിങ്ങിന് ഒരുങ്ങുന്നു. നെറ്റ്ഫ്ളിക്‌സ്, സണ്‍ നെക്‌സ്‌റ്റ് എന്നീ ഒടിടി പ്ളാറ്റ്‌ഫോമുകളിലായി മെയ് 11ന് ആണ് ചിത്രം റിലീസ് ചെയ്യുക.
ഏപ്രിൽ 13നാണ് ചിത്രം തിയേറ്ററുകളിൽ പ്രദർശനത്തിന് എത്തിയത്. വിജയ് ആരാധകരുടെ ഏറെ നാളത്തെ കാത്തിരിപ്പിനൊടുവിൽ എത്തിയ ‘ബീസ്‌റ്റി’ന് എന്നാൽ സമ്മിശ്ര പ്രതികരണമാണ് ലഭിച്ചത്. എന്നിരുന്നാലും ആഗോള ബോക്‌സോഫീസിൽ ചിത്രം 200 കോടിക്ക് മുകളിൽ കളക്ഷൻ നേടിയിട്ടുണ്ട്.
നെൽസൺ ദിലീപ് കുമാർ സംവിധാനം ചെയ്‌ത ചിത്രത്തിൽ വീർ രാഘവൻ എന്ന റോ ഏജന്റ് ആയാണ് വിജയ് എത്തിയത്. ‘ഡോക്‌ടറി’ന് ശേഷം നെൽസൺ ദിലീപ് കുമാർ ഒരുക്കിയ ഈ ചിത്രത്തിൽ പൂജ ഹെഗ്‌ഡെയാണ് നായിക കഥാപാത്രത്തെ അവതരിപ്പിച്ചത്. സൺ പിക്ചേഴ്സാണ് നിർമാണം. മലയാളി സാന്നിധ്യമായി ഷെൻ ടോം ചാക്കോയും അപർണ ദാസും ചിത്രത്തിലുണ്ട്.
Most Read: താക്കറെയുടെ ആഹ്വാനം ഏറ്റെടുത്ത് പ്രവർത്തകർ; മഹാരാഷ്‍ട്രയിൽ കനത്ത ജാഗ്രത
