ചിയാന് വിക്രമും മകന് ധ്രുവ് വിക്രമും ആദ്യമായി ഒന്നിക്കുന്ന ചിത്രം ‘മഹാന്റെ’ ട്രെയ്ലര് പുറത്ത്. വിക്രമും ധ്രുവും നിറഞ്ഞു നിൽക്കുന്ന ട്രെയ്ലർ ഇതിനോടകം ആരാധകർ നെഞ്ചേറ്റിക്കഴിഞ്ഞു.
യൂട്യൂബിൽ ഇന്ന് പുറത്തുവിട്ട ട്രെയ്ലർ ചുരുങ്ങിയ സമയം കൊണ്ടുതന്നെ 3 ലക്ഷത്തിലധികം ആളുകളാണ് കണ്ടത്. കാർത്തിക് സുബ്ബരാജിന്റെ സംവിധാനത്തിൽ ഒരുക്കിയിരിക്കുന്ന ചിത്രത്തിൽ ഗ്യാങ്സ്റ്റർ നേതാവായ ‘ഗാന്ധി മഹാന്’ എന്ന കഥാപാത്രത്തെയാണ് വിക്രം അവതരിപ്പിക്കുന്നത്. ‘ദാദാ’ എന്ന കഥാപാത്രത്തെ ധ്രുവും അവതരിപ്പിക്കുന്നു.
വിക്രമിന്റെ 60ആമത് ചിത്രം എന്ന പ്രത്യേകത കൂടിയുണ്ട് ‘മഹാന്’. ചെന്നൈ പശ്ചാത്തലമാക്കിയുളള ഈ ത്രില്ലര് ചിത്രത്തിൽ ബോബി സിംഹയാണ് വില്ലൻ. സിമ്രാനും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഫെബ്രുവരി 10ന് ആമസോൺ പ്രൈമിലൂടെ ചിത്രം റിലീസിനെത്തും.
Most Read: തുടരന്വേഷണം തടയണം; ഹൈക്കോടതിയിൽ പുതിയ ഹരജിയുമായി ദിലീപ്