കണ്ണൂർ: യുവതിയെ പീഡിപ്പിച്ച വില്ലേജ് ഓഫീസർ പോലീസ് പിടിയിൽ. പുഴാതി വില്ലേജ് ഓഫീസറായ പള്ളിക്കുന്ന് സ്വദേശി രജ്ഞിത്ത് ലക്ഷ്മണനാണ് പിടിയിലായത്. പുസ്തക വിൽപ്പനക്കായി വീട്ടിലെത്തിയ യുവതിയെ ഇയാൾ പീഡിപ്പിച്ചെന്നാണ് പരാതി. തിങ്കളാഴ്ച വൈകിട്ട് 5 മണിയോടെയാണ് സംഭവം. സംഭവസമയത്ത് അവിവാഹിതനായ രജ്ഞിത്ത് മാത്രമാണ് വീട്ടിൽ ഉണ്ടായിരുന്നത്.
വീടുകളിൽ കയറിയിറങ്ങി വിൽപ്പന നടത്തിയിരുന്ന പെൺകുട്ടി ഇയാളുടെ വീട്ടിലെത്തിയപ്പോഴാണ് ദുരനുഭവം ഉണ്ടായത്. പെൺകുട്ടിയെ വീടിനുള്ളിൽ വെച്ച് ഇയാൾ ബലാൽസംഗം ചെയ്യുകയായിരുന്നു. ഇതിന് പിന്നാലെയാണ് യുവതി പോലീസിൽ എത്തി പരാതി നൽകിയത്. പോലീസ് കസ്റ്റഡിയിൽ എടുത്ത പ്രതിയെ ചോദ്യം ചെയ്ത് വരികയാണ്. ഇയാളുടെ അറസ്റ്റ് ഉടൻ രേഖപ്പെടുത്തും.
Read also: തട്ടികൊണ്ടുപോയ വ്യാപാരിയെ വടകരയിൽ മോചിപ്പിച്ചു; അക്രമികൾ കടന്നു