തിരുവനന്തപുരം: ഡോക്‌ടര്‍മാര്‍ ഉള്‍പ്പെടെയുള്ള ആരോഗ്യ പ്രവര്‍ത്തകര്‍ക്ക് എതിരായ ആക്രമണങ്ങളില്‍ ജാമ്യമില്ലാ വകുപ്പ് പ്രകാരം കേസെടുക്കണമെന്ന് ആവശ്യപ്പെട്ട് ഐഎംഎയുടെ രാജ്യവ്യാപക പ്രതിഷേധം. തിരുവനന്തപുരത്ത് സെക്രട്ടറിയേറ്റിന് മുന്നില്‍ സംഘടിപ്പിച്ച പ്രതിഷേധ പരിപാടിയില്‍ ഐഎംഎ പ്രതിനിധികളും കെജിഎംസിടിഎ, കെജിഎംഒ സംഘടനാ പ്രതിനിധികളും പങ്കെടുത്തു.
ഡോക്‌ടര്‍മാരുടെ പരാതികളില്‍ നടപടി സ്വീകരിക്കാന്‍ സര്‍ക്കാര്‍ തയാറായില്ലെങ്കില്‍ ചികിൽസ നിർത്തിവച്ചുള്ള സമരപരിപാടികൾ ഉൾപ്പടെ സ്വീകരിക്കുമെന്ന് ഐഎംഎ സംസ്‌ഥാന നേതൃത്വം വ്യക്‌തമാക്കി. മാവേലിക്കരയില്‍ പൊലീസ് ഉദ്യോഗസ്‌ഥന്‍ ഡോക്‌ടറെ മര്‍ദ്ദിച്ച സംഭവത്തിലും പനവൂരില്‍ പഞ്ചായത്ത് പ്രസിഡണ്ട് അടക്കമുള്ളവർ വാക്‌സിന്‍ ആവശ്യപ്പെട്ട് ആരോഗ്യ പ്രവര്‍ത്തകരെ മര്‍ദ്ദിച്ച സംഭവത്തിലും ഉടന്‍ നടപടി സ്വീകരിക്കണമെന്നും ഐഎംഎ ആവശ്യപ്പെട്ടു.
Read also: 6 കോഴ്‌സുകളിൽ കോവിഡ് മുന്നണി പോരാളികൾക്ക് പ്രത്യേക പരിശീലനം; പ്രധാനമന്ത്രി
