ആലപ്പുഴ: മുൻ മുഖ്യമന്ത്രിയും മുതിര്ന്ന സിപിഐഎം നേതാവുമായ വിഎസ് അച്യുതാനന്ദന്റെ സഹോദര പുത്രന് കോണ്ഗ്രസില് ചേര്ന്നു. വിഎസ് അച്യുതാനന്ദന്റെ ജ്യേഷ്ഠന് ഗംഗാധരന്റെ മകനായ ജി പീതാംബരനാണ് കോണ്ഗ്രസില് ചേര്ന്നത്.
ആലപ്പുഴ ഡിസിസി പ്രസിഡണ്ടും അമ്പലപ്പുഴ നിയോജകമണ്ഡലം യുഡിഎഫ് സ്ഥാനാർഥിയുമായ എം ലിജുവാണ് പീതാംബരനെ കോണ്ഗ്രസിലേക്ക് സ്വീകരിച്ചത്. സിപിഐഎം പ്രവര്ത്തകനായിരുന്ന പീതാംബരന് നോക്കു കൂലിയുമായി ബന്ധപ്പെട്ടുള്ള വിവാദത്തില് പാര്ട്ടി വിടുകയായിരുന്നു. തുടര്ന്ന് സിപിഐയിലും ഒടുവില് കോണ്ഗ്രസില് ചേരുകയായിരുന്നു. ലിജുവിന്റെ വിജയത്തിനായി പ്രവര്ത്തിക്കുമെന്ന് പീതാംബരന് മാദ്ധ്യമങ്ങളോട് വ്യക്തമാക്കി.
Read also: രാജ്യസഭാ തിരഞ്ഞെടുപ്പ്; ആദ്യ നിലപാട് പിൻവലിച്ച് കേന്ദ്ര തിരഞ്ഞെടുപ്പ് കമ്മീഷൻ