പാലക്കാട്: മക്കൾക്ക് നീതി കിട്ടും വരെ സമരം തുടരുമെന്ന് വാളയാർ പെൺകുട്ടികളുടെ അമ്മ. സിബിഐ അന്വേഷണത്തിന് സർക്കാരിന്റെ ഇടപെടലില്ല. മക്കളുടേത് കൊലപാതകം തന്നെയെന്ന് സിബിഐക്ക് മനസിലായി എന്നാണ് താൻ കരുതുന്നതെന്നും വാളയാർ പെൺകുട്ടികളുടെ അമ്മ പറഞ്ഞു. ഏഷ്യാനെറ്റ് ന്യൂസിനോടായിരുന്നു പ്രതികരണം. ധര്മ്മടം മണ്ഡലത്തില് മുഖ്യമന്ത്രി പിണറായി വിജയനെതിരെ മൽസരിച്ച ഇവർക്ക് ആയിരത്തിലേറെ വോട്ടുകളാണ് ലഭിച്ചത്. ആകെ ലഭിച്ച വോട്ടുകളുടെ എണ്ണത്തില് അഞ്ചാം സ്ഥാനമാണ് വാളയാർ കുട്ടികളുടെ അമ്മയ്ക്ക് ധർമ്മടത്തെ ജനങ്ങൾ നൽകിയത്.
Read also: തിരഞ്ഞെടുപ്പ് തോൽവി; കേരളത്തിലെ കോണ്ഗ്രസില് അഴിച്ചുപണി ആവശ്യമെന്ന് കെസി ജോസഫ്