വയനാട്: പുതിയ ഡിസിസി അധ്യക്ഷനായി എൻഡി അപ്പച്ചൻ ഇന്ന് ചുമതല ഏറ്റെടുക്കും. രാവിലെ 10.30ന് ഡിസിസി ഓഫിസിൽ നടക്കുന്ന ചടങ്ങ് കെപിസിസി വർക്കിംഗ് പ്രസിഡണ്ട് ടി സിദ്ദിഖ് എംഎൽഎ ഉൽഘാടനം ചെയ്യും. നിലവിലെ ഡിഡിസി പ്രസിഡണ്ട് ഐസി ബാലകൃഷ്‌ണൻ ചടങ്ങിൽ അധ്യക്ഷത വഹിക്കും. ഇത് രണ്ടാം തവണയാണ് എൻഡി അപ്പച്ചൻ ജില്ലാ കോൺഗ്രസ് കമ്മിറ്റിയുടെ അമരക്കാരനാകുന്നത്.
ഇന്നലെ അഞ്ച് ജില്ലകളിലെ ഡിസിസി പ്രസിഡണ്ടുമാർ ചുമതല ഏറ്റെടുത്തിരുന്നു. തിരുവനന്തപുരം, തൃശൂർ, കാസർഗോഡ്, കണ്ണൂർ, എറണാകുളം ജില്ലകളിലാണ് ഇന്നലെ സ്‌ഥാനാരോഹണം നടന്നത്.
ആറ് മാസത്തിനുള്ളിൽ പാർടി അടിമുടി പൊളിച്ചെഴുതുമെന്നും കോൺഗ്രസിന്റെ പ്രതിച്ഛായ ഇനിയും തല്ലിത്തകർക്കാൻ വയ്യെന്നും കെപിസിസി അധ്യക്ഷൻ കെ സുധാകരൻ കഴിഞ്ഞ ദിവസം പറഞ്ഞിരുന്നു. ഓരോ ജില്ലയിലും 2500 വീതം കേഡർമാരെ തിരഞ്ഞെടുത്ത് പരിശീലനം നൽകാനാണ് പാർട്ടി ലക്ഷ്യമിടുന്നത്. തുടർന്ന് ബൂത്തുകളുടെ ചുമതല ഇവർക്ക് നൽകുമെന്നും അദ്ദേഹം പറഞ്ഞിരുന്നു.
Most Read: പരിശോധനയില്ല; ജില്ലയില്‍ വ്യാപകമായി മരം കടത്തല്‍
