ന്യൂഡെല്ഹി: കോവിഡ് വാക്സിൻ സര്ട്ടിഫിക്കറ്റില് നിന്ന് പ്രധാനമന്ത്രി നരേന്ദ്രമോദിയുടെ ചിത്രം ഒഴിവാക്കി പശ്ചിമ ബംഗാളും. മുഖ്യമന്ത്രി മമതാ ബാനര്ജിയുടെ ചിത്രം പതിച്ച സര്ട്ടിഫിക്കറ്റ് ആയിരിക്കും പകരം വിതരണം ചെയ്യുക. സംസ്ഥാനങ്ങള് പണം നല്കി വാക്സിന് വാങ്ങുന്നതിനാലാണ് മോദിയുടെ ചിത്രം ഒഴിവാക്കാന് തീരുമാനിച്ചത് എന്നാണ് വിവരം.
നേരത്തെ ഛത്തീസ്ഗഡും കോവിഡ് വാക്സിന് സര്ട്ടിഫിക്കറ്റില് നിന്ന് മോദിയുടെ ചിത്രം മാറ്റി മുഖ്യമന്ത്രിയുടെ ചിത്രം ഉൾപ്പെടുത്തിയിരുന്നു. വാക്സിന് വിതരണത്തില് നിന്ന് കേന്ദ്രം പിൻമാറിയ സാഹചര്യത്തിലാണ് പ്രധാനമന്ത്രിയുടെ ചിത്രം മാറ്റുന്നത് എന്നാണ് ഛത്തീസ്ഗഡ് ആരോഗ്യമന്ത്രി വിശദീകരിച്ചത്.
Read also: കോവിഡ് പോസിറ്റിവിറ്റി നിരക്ക് കുറഞ്ഞു; ലോക്ക്ഡൗൺ ഇളവുകള് പ്രഖ്യാപിച്ച് മഹാരാഷ്ട്ര