കൊല്‍ക്കത്ത: പശ്‌ചിമ ബംഗാളില്‍ ലോക്ക്‌ഡൗൺ നിയന്ത്രണങ്ങള്‍ ലംഘിച്ച കുറ്റത്തിന് മൂന്ന് ബിജെപി എംഎല്‍എമാരെ പൊലീസ് കസ്‌റ്റഡിയിൽ എടുത്തു. ശങ്കര്‍ ഘോഷ്, അനന്ദമോയ് ബര്‍മന്‍, ശിഖ ഛദ്ദോപാധ്യായ എന്നിവരെയാണ് പോലീസ് പിടികൂടിയത്. പിന്നീട് ഇവരെ വിട്ടയച്ചു.
വടക്കന്‍ ബംഗാളില്‍ കോവിഡ് മരണസംഖ്യ ഉയരുന്നത് സര്‍ക്കാറിന്റെ വീഴ്‌ചയാണെന്ന് ആരോപിച്ച് ഇവർ പ്രതിഷേധം സംഘടിപ്പിച്ചിരുന്നു. തുടർന്ന് സിലിഗുരിയിലെ സഫ്‌ദർ ഹാഷ്‌മി ചൗക്കില്‍ ധര്‍ണ നടത്തിയ എംഎൽഎമാരെ പോലീസ് അറസ്‌റ്റ്‌ ചെയ്യുകയായിരുന്നു. തങ്ങൾ കോവിഡ് മാനദണ്ഡങ്ങള്‍ പാലിച്ചിരുന്നു എന്നും പൊലീസിന്റെ നടപടി പക്ഷപാതപരമാണെന്നും എംഎല്‍എമാര്‍ ആരോപിച്ചു.
കോവിഡ് വ്യാപനം രൂക്ഷമായതിനെ തുടർന്ന് ഇന്നുമുതൽ മെയ് 30 വരെയാണ് ബംഗാളിൽ ലോക്ക്‌ഡൗൺ പ്രഖ്യാപിച്ചിരിക്കുന്നത്.
Read also: ഹരിയാന മുഖ്യമന്ത്രിക്കെതിരെ കർഷക പ്രതിഷേധം; ലാത്തി ചാർജ്
