ബെയ്ജിങ്: ചൈനയുടെ കോവിഡ് പ്രതിരോധ വാക്സിനായ സിനോഫാമിന് അംഗീകാരം. ലോകാരോഗ്യ സംഘടനയാണ് (ഡബ്ള്യുഎച്ച്ഒ) അടിയന്തര ഉപയോഗത്തിനുള്ള അനുമതി നൽകിയത്. ഡബ്ള്യുഎച്ച്ഒയുടെ അംഗീകാരം ലഭിക്കുന്ന ആദ്യ ചൈനീസ് വാക്സിൻ കൂടിയാണ് സിനോഫാം.
ബീജിങ് ഇൻസ്റ്റിറ്റ്യൂട്ട് ഓഫ് ബയോളജിക്കൽ പ്രോഡക്ട്സാണ് വാക്സിൻ വികസിപ്പിച്ചെടുത്തത്. 18 വയസിന് മുകളിലുള്ളവർക്ക് രണ്ട് ഡോസ് വീതം സ്വീകരിക്കാം. പാർശ്വഫലങ്ങളെ കുറിച്ചോ പരീക്ഷണഫലങ്ങളെ കുറിച്ചോ കൂടുതൽ വിവരങ്ങൾ ചൈന പുറത്തുവിട്ടിട്ടില്ല.
Also Read: കോവിഡ്; കേരളത്തിലെ സാഹചര്യം അതീവ ഗുരുതരമെന്ന് കേന്ദ്ര സമിതി