അഗളി: അട്ടപ്പാടി ഷോളയൂരിൽ കെജിപി എസ്റ്റേറ്റിന് സമീപം കാട്ടാനയുടെ ആക്രമണം. ആക്രമണത്തിൽ സമീപത്ത് നിർത്തിയിട്ടിരുന്ന കാർ തകർന്നു. തണ്ടത്തിൽ വിജയന്റെ വീട്ടുമുറ്റത്ത് നിർത്തിയിട്ട കാർ തിങ്കളാഴ്ച പുലർച്ചെ 5.30ഓടെയാണ് ആന തകർത്തത്. സമീപത്ത് നിർത്തിയിട്ടിരുന്ന ഓട്ടോറിക്ഷയും ആന തകർത്തു. കാവുമേട്ടിൽ ഉണ്ണിയുടെ ഓട്ടോറിക്ഷയാണ് ആന തകർത്തത്.
ചക്ക, മാങ്ങ തുടങ്ങിയ ഫലങ്ങളുടെ കാലമായതിനാൽ പ്രദേശത്ത് കാട്ടാന ശല്യം രൂക്ഷമാണെന്ന് നാട്ടുകാർ പറയുന്നു. പലപ്പോഴും പരിസരത്തെ വീടുകൾക്ക് നേരെയും കാട്ടാനയുടെ ആക്രമണം ഉണ്ടാകാറുണ്ട്. വനമേഖലയോട് ചേർന്ന സുരക്ഷാവേലി സംവിധാനം കാര്യക്ഷമമാക്കണം എന്നാണ് നാട്ടുകാരുടെ ആവശ്യം.
Read also: ഡെല്റ്റ പ്ളസ്; പത്തനംതിട്ടയിലും പാലക്കാടും ജാഗ്രത ശക്തമാക്കി, പരിശോധനകൾ കൂട്ടും