ഇടുക്കി : കാട്ടാനയുടെ ആക്രമണത്തെ തുടർന്ന് ഇടുക്കി ശാന്തമ്പാറ തലക്കുളത്ത് തോട്ടം തൊഴിലാളി കൊല്ലപ്പെട്ടു. കോരംപാറ സ്വദേശിനിയായ വിമല ചിരജ്ഞീവിയാണ് കൊല്ലപ്പെട്ടത്. ഇന്ന് ഉച്ചയോടെയാണ് സംഭവം ഉണ്ടായത്. കാട്ടാന ആക്രമിക്കാൻ അടുത്തെത്തിയതോടെ മറ്റ് തൊഴിലാളികൾ ഓടി രക്ഷപെടുകയായിരുന്നു.
തലക്കുളം എസ്റ്റേറ്റ് പരിസരത്ത് കഴിഞ്ഞ കുറച്ചു നാളുകളായി കാട്ടാനശല്യം രൂക്ഷമായിരുന്നു. മറ്റ് തൊഴിലാളികൾക്കൊപ്പം ഏലം തോട്ടത്തിൽ ജോലി ചെയ്യുകയായിരുന്നു വിമല. മഞ്ഞുവീഴ്ച ഉണ്ടായിരുന്നതിനാൽ കാട്ടാന വരുന്നത് കാണാൻ കഴിഞ്ഞില്ലെന്ന് തൊഴിലാളികൾ വ്യക്തമാക്കി. അടുത്തെത്തിയതോടെ മറ്റുള്ളവർ ഓടി രക്ഷപ്പെട്ടെങ്കിലും വിമല ആനയുടെ പിടിയിൽ അകപ്പെടുകയായിരുന്നു.
Read also : കാട്ടാനയുടെ ആക്രമണം; രണ്ട് കുഞ്ഞുങ്ങൾ ഉൾപ്പടെയുള്ള കുടുംബം രക്ഷപ്പെട്ടത് തലനാരിഴയ്ക്ക്