ഉത്തർപ്രദേശ്: മീററ്റിൽ പോലീസ് ഉദ്യോഗസ്ഥരെ ചെരിപ്പൂരി അടിച്ച യുവതിക്കെതിരെ കേസെടുത്തു. ബുധനാഴ്ച നടന്ന സംഭവത്തിന്റെ വിഡിയോ സമൂഹ മാദ്ധ്യമങ്ങളിൽ വ്യാപകമായി പ്രചരിച്ചതിനെ തുടർന്നാണ് പോലീസ് കേസെടുത്തത്. മീററ്റ് ടെഹ്സിൽ താമസിക്കുന്ന ഹിനയെന്ന യുവതിയാണ് പോലീസ് ഉദ്യോഗസ്ഥരെ റോഡിൽവെച്ച് ചെരുപ്പൂരി അടിച്ചത്.
ഹിന തന്റെ സ്കൂട്ടർ പാർക്കിങ് നിരോധിത മേഖലയിൽ നിർത്തിയത് റോഡിൽ ഗതാഗത കുരുക്കിന് കാരണമായി. തുടർന്ന് മഴ പെയ്തതോടെ റോഡിൽ വാഹനങ്ങളുടെ തിരക്ക് ക്രമാതീതമായി വർധിച്ചു. സ്കൂട്ടറെടുത്ത് പോകാൻ നോക്കിയ ഹിനയെ ട്രാഫിക് നിയന്ത്രിക്കാനെത്തിയ പോലീസ് തടഞ്ഞു. തുടർന്ന് പ്രകോപിതയായ ഹിന വനിതാ പോലീസ് കോൺസ്റ്റബിളിനെയും സബ് ഇൻസ്പെക്ടറേയും ചെരുപ്പ് കൊണ്ട് അടിക്കുകയായിരുന്നു. സംഭവത്തിന്റെ വീഡിയോ വൈറലായതിന് പിന്നാലെ എസ്പിയുടെ നിർദേശപ്രകാരം യുവതിക്കെതിരെ കേസെടുത്തു.
Read also: പൗരത്വ നിയമം നടപ്പാക്കും; അമിത് ഷാ