മധ്യപ്രദേശ്: ഗുണ ജില്ലയിലെ വനത്തിൽ മൃഗവേട്ടക്കാർ മൂന്ന് പോലീസുകാരെ വെടിവെച്ചുകൊന്നു. ഇന്ന് പുലർച്ചെ കൃഷ്ണമൃഗത്തെ വേട്ടയാടാനെത്തിയ സംഘമാണ് പൊലീസുകാരെ ആക്രമിച്ചത്.
സബ് ഇൻസ്പെക്ടർ രാജ്കുമാർ ജതാവ്, ഹെഡ് കോൺസ്റ്റബിൾ സന്ത് കുമാർ മീണ, കോൺസ്റ്റബിൾ നീരജ് ഭാർഗവ് എന്നിവരാണ് വെടിയേറ്റ് കൊല്ലപ്പെട്ടത്. പൊലീസ് ഡ്രൈവർക്കും ഗുരുതരമായി പരുക്കേറ്റു. ഇയാളെ ആശുപത്രിയിൽ പ്രവേശിപ്പിച്ചു.
കൃഷ്ണമൃഗങ്ങളെ വേട്ടയാടാനായി വേട്ടസംഘം വനത്തിൽ ക്യാംപ് ചെയ്യുന്നതായി പോലീസിന് രഹസ്യവിവരം ലഭിച്ചിരുന്നു. തുടർന്ന് വേട്ടസംഘവുമായി പോലീസ് ഏറ്റുമുട്ടുകയായിരുന്നു. ആക്രമണത്തെ തുടർന്ന് പോലീസ് തിരിച്ചടിച്ചെങ്കിലും വേട്ടക്കാർ ബൈക്കിൽ രക്ഷപെടുകയായിരുന്നു.
Read also: ജയിലുകളിൽ വിഐപി സംസ്കാരം അനുവദിക്കില്ല; പഞ്ചാബ് മുഖ്യന്ത്രി