തടിലോറി മാറ്റുന്നതുമായി ബന്ധപ്പെട്ട തർക്കത്തിൽ പോലീസുകാരന് മർദ്ദനം; 2 പേർ അറസ്‌റ്റിൽ

By Team Member, Malabar News
crime news
Rep Image
Ajwa Travels

പത്തനംതിട്ട: റോഡിൽ നിന്നും ലോറി മാറ്റുന്നതുമായി ബന്ധപ്പെട്ട തർക്കത്തിനിടെ പോലീസ് ഉദ്യോഗസ്‌ഥന് നേരെ മർദ്ദനം. പെരുനാട് സ്‌റ്റേഷനിലെ സിപിഒ അനിൽകുമാറിനാണ് ഡ്യൂട്ടിക്കിടെ മർദ്ദനമേറ്റത്. സംഭവത്തിന് പിന്നാലെ അത്തിക്കയം സ്വദേശി സച്ചിൻ, അലക്‌സ് എന്നിവരെ പോലീസ് അറസ്‌റ്റ് ചെയ്യുകയും ചെയ്‌തു.

ഇന്നലെ രാത്രിയോടെയാണ് സംഭവം ഉണ്ടായത്. ഡ്യൂട്ടി കഴിഞ്ഞ് വീട്ടിലേക്ക് മടങ്ങുമ്പോൾ മാമ്പറയിലെ കണ്ടംകുളത്തെ റോഡിൽ വച്ച് ജെസിബി ഉപയോഗിച്ച് ലോറിയിൽ തടി കയറ്റുന്നുണ്ടായിരുന്നു. മറ്റു വാഹനങ്ങൾക്ക് പോകാനാകാത്ത രീതിയിൽ വണ്ടി നിർത്തിയതിനെ ചൊല്ലി ഉണ്ടായ തർക്കമാണ് പിന്നീട് സംഘർഷത്തിലേക്ക് കലാശിച്ചത്. 

സംഘർഷത്തിൽ പരിക്കേറ്റ അനിൽ കുമാറിനെ പിന്നീട് പോലീസ് എത്തി ആദ്യം റാന്നി ആശുപത്രിയിലും, പിന്നീട് കോട്ടയം മെഡിക്കൽ കോളേജിലും പ്രവേശിപ്പിക്കുകയായിരുന്നു. പോലീസുകാരൻ ആണെന്നറിയാതെയാണ് അനിൽ കുമാറിനെ പ്രതികൾ മർദ്ദിച്ചതെന്നാണ് സൂചന. നിലവിൽ വധശ്രമം, സർക്കാർ ഉദ്യോഗസ്‌ഥന്റെ ജോലി തടയൽ തുടങ്ങിയ വകുപ്പുകളാണ് പ്രതികൾക്കെതിരെ ചുമത്തിയിരിക്കുന്നത്.

Read also: മധ്യപ്രദേശിൽ ഭിന്നശേഷിക്കാരനായ വയോധികനെ മർദ്ദിച്ച് കൊലപ്പെടുത്തി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE