ന്യൂയോര്‍ക്ക്: ലോകത്ത് കോവിഡ് ബാധിതരുടെ എണ്ണം 20 കോടി 9 ലക്ഷം പിന്നിട്ടു. വേള്‍ഡോമീറ്ററിന്റെ കണക്കുപ്രകാരം 18 കോടിയിലധികം പേര്‍ രോഗമുക്‌തി നേടിയപ്പോള്‍ 42 ലക്ഷം പേര്‍ക്ക് വൈറസ് മൂലം ജീവന്‍ നഷ്‌ടമായി.
അമേരിക്ക, ഇന്ത്യ, ബ്രസീല്‍ എന്നീ രാജ്യങ്ങളാണ് ലോകത്ത് രോഗബാധിതരുടെ എണ്ണത്തില്‍ ആദ്യ മൂന്ന് സ്‌ഥാനങ്ങളിലുള്ളത്. അമേരിക്കയില്‍ മൂന്ന് കോടി 61 ലക്ഷം രോഗബാധിതരാണ് ഉള്ളത്. 6.31 ലക്ഷം പേര്‍ മരണപ്പെട്ടു.
ഇന്ത്യയില്‍ ഇതുവരെ 3 കോടിയിലേറെ കോവിഡ് കേസുകളാണ് റിപ്പോർട് ചെയ്യപ്പെട്ടത്. 3.09 കോടി പേര്‍ രോഗമുക്‌തി നേടിയപ്പോൾ 4.26 കോവിഡ് മരണവും റിപ്പോർട് ചെയ്യപ്പെട്ടു. നിലവില്‍ 4.17 ലക്ഷം പേർ ചികിൽസയിൽ കഴിയുന്നതായി ആരോഗ്യ മന്ത്രാലയത്തിന്റെ കണക്കുകൾ വ്യക്‌തമാക്കുന്നു.
ബ്രസീലില്‍ ഇതുവരെ 2 കോടിയിലധികം പേര്‍ക്ക് കോവിഡ് സ്‌ഥിരീകരിച്ചത്‌. 5.59 ലക്ഷം പേര്‍ മരണപ്പെട്ടപ്പോൾ രോഗമുക്‌തി നേടിയത് ഒരു കോടി 88 ലക്ഷം പേരാണ്.
അതേസമയം റഷ്യ, ഫ്രാൻസ്, യുകെ എന്നീ രാജ്യങ്ങളിലും കോവിഡ് ബാധിതരുടെ എണ്ണം ഉയർന്നുതന്നെയാണ്.
Most Read: ബലാൽസംഗത്തിന് ഇരയായി 9 വയസുകാരി കൊല്ലപ്പെട്ട സംഭവം; പ്രതിഷേധം ആളിക്കത്തുന്നു
