പോർട്ടോ: ലോകകപ്പ് ഫുട്ബോള് യോഗ്യതാ റൗണ്ടില് യൂറോപ്യന് മേഖലയിൽ കരുത്തര് ഇന്ന് കളത്തിൽ ഇറങ്ങുന്നു. ക്രിസ്റ്റ്യാനോ റൊണാള്ഡോയുടെ പോര്ച്ചുഗല് അയര്ലന്ഡിനെ നേരിടും. മൂന്ന് കളിയിൽ ഏഴ് പോയിന്റോടെ പോര്ച്ചുഗല് ഗ്രൂപ്പില് ഒന്നാമതും, രണ്ട് കളിയും തോറ്റ അയർലൻഡ് നാലാം സ്ഥാനത്തുമാണ്. ലോക ചാമ്പ്യൻമാരായ ഫ്രാന്സിന്റെ എതിരാളികള് ബോസ്നിയയാണ്.
മറ്റ് പ്രധാന മൽസരങ്ങളിൽ ഡെൻമാര്ക്ക് സ്കോട്ലന്ഡിനെയും, റഷ്യ ക്രൊയേഷ്യയെയും, നെതർലൻഡ്സ് നോർവേയെയും നേരിടും. ഇന്ത്യന് സമയം രാത്രി 12.15നാണ് എല്ലാ മൽസരങ്ങളും തുടങ്ങുന്നത്. അതേസമയം, ലാറ്റിൻ അമേരിക്കൻ യോഗ്യത പോരാട്ടങ്ങളിൽ മറ്റന്നാൾ ബ്രസീലും അർജന്റീനയും മൽസരിക്കുന്നുണ്ട്. ബ്രസീൽ ചിലിയെയും, അർജന്റീന വെനിസ്വലയേയും നേരിടും. ഞായറാഴ്ച ബ്രസീലും അർജന്റീനയും നേർക്കുനേർ ഏറ്റുമുട്ടും.
Read Also: വേണു കുന്നപ്പിള്ളിയുടെ ‘ജോഷി’ ചിത്രം; ജയസൂര്യക്ക് ജൻമദിന സമ്മാനം