ദുബായ്: ഇന്ത്യയും ന്യൂസിലൻഡും നേർക്കുനേർ എത്തുന്ന ലോക ടെസ്റ്റ് ചാമ്പ്യൻഷിപ്പിന്റെ ഫൈനൽ വേദി നിശ്ചയിച്ചിട്ടില്ലെന്ന് ഐസിസി. ലണ്ടനിലെ ലോർഡ്സിലാകും ഫൈനൽ നടക്കുകയെന്നായിരുന്നു നേരത്തെ പുറത്തുവന്ന റിപ്പോർട്ടുകൾ. എന്നാൽ ഇപ്പോൾ എഡ്ജ്ബാസ്റ്റൺ, ഓൾഡ് ട്രാഫഡ്, സതാംപ്ടൺ തുടങ്ങിയവയും വേദികളായി പരിഗണിക്കുന്നുണ്ടെന്നാണ് റിപ്പോർട്.
ജൂൺ 18 മുതൽ 22 വരെയാണ് ലോക ടെസ്റ്റ് ചാമ്പ്യൻഷിപ്പിന്റെ ഫൈനൽ നടക്കുക. മൈതാനത്തിനകത്തും പുറത്തുമുള്ള സൗകര്യങ്ങൾ പരിഗണിച്ച് സതാംപ്ടണാണ് മുൻഗണനയെന്നാണ് റിപ്പോട്ടുകൾ സൂചിപ്പിക്കുന്നത്. സ്റ്റേഡിയത്തോട് ചേർന്ന് തന്നെ ഫൈവ് സ്റ്റാർ ഹോട്ടൽ സൗകര്യവും ഉള്ളതിനാൽ കോവിഡ് സാഹചര്യത്തിൽ മൽസരം നടത്താൻ അനുയോജ്യം സതാംപ്ടണാണെന്നാണ് വിലയിരുത്തൽ. വരും ദിവസങ്ങളിൽ വേദി സംബന്ധിച്ച ഔദ്യോഗിക തീരുമാനം ഐസിസി അറിയിച്ചേക്കും.
Read also: ബോളിവുഡ് താരം മിഥുന് ചക്രവര്ത്തി ബിജെപിയില് ചേര്ന്നു