കൊല്ക്കത്ത: പ്രശസ്ത ബംഗാളി ബോളിവുഡ് നടന് മിഥുന് ചക്രവര്ത്തി ബിജെപിയില് ചേര്ന്നു. കൊല്ക്കത്ത ബ്രിഗേഡ് പരേഡ് ഗ്രൗണ്ടില് പ്രധാനമന്ത്രി നരേന്ദ്ര മോദിയുടെ റാലി ആരംഭിക്കുന്നതിന് തൊട്ടു മുൻപായിരുന്നു മിഥുന് ചക്രവര്ത്തിയുടെ പാർട്ടി പ്രവേശനം.
പശ്ചിമ ബംഗാളില് ഈ മാസവും അടുത്ത മാസവുമായി നടക്കുന്ന നിയമസഭാ തിരഞ്ഞെടുപ്പിന് മുന്നോടിയായിട്ടാണ് മിഥുന് ചക്രവര്ത്തിയുടെ ഈ നീക്കം. ബംഗാളിന്റെ ചുമതലയുള്ള കൈലാഷ് വിജയവര്ഗീയ കഴിഞ്ഞ ദിവസം മിഥുന് ചക്രവര്ത്തിയെ അദ്ദേഹത്തിന്റെ വീട്ടിലെത്തി സന്ദര്ശിച്ചതിന് പിന്നാലെ അദ്ദേഹം പാർട്ടിയിൽ ചേരുമെന്ന് ഊഹാപോഹങ്ങള് ഉയര്ന്നിരുന്നു.
70കാരനായ മിഥുന് ചക്രവര്ത്തിക്ക് ബംഗാളില് വലിയ ആരാധകരുണ്ട്. തൃണമൂല് കോണ്ഗ്രസ് രാജ്യസഭാ എംപിയായിരുന്ന മിഥുന് ചക്രവർത്തി, ശാരദ ചിട്ടി തട്ടിപ്പ് കേസില് കുടുങ്ങിയതിന് പിന്നാലെ രാജ്യസഭാ അംഗത്വം രാജിവെച്ചിരുന്നു.
കേസിൽ എൻഫോഴ്സ്മെന്റ് ഡയറക്ട്രേറ്റ് അടക്കം അദ്ദേഹത്തെ ചോദ്യം ചെയ്തിരുന്നു. തുടർന്ന് കുറച്ച് കാലമായി സജീവ രാഷ്ട്രീയത്തിൽ ഉണ്ടായിരുന്നില്ല. കഴിഞ്ഞ വര്ഷം അദ്ദേഹം ആര്എസ്എസ് ആസ്ഥാനം സന്ദര്ശിച്ചിരുന്നു.
Sports News: ഐപിഎൽ മൽസരക്രമമായി; ആദ്യ പോരാട്ടത്തിൽ മുംബൈക്ക് എതിരാളികളായി ആർസിബി