പെരുമഴയത്ത് ഒരു തെരുവുനായക്ക് കുടയിൽ ഇടം നൽകിയ യുവാവ് സോഷ്യൽ മീഡിയയിൽ വൈറലാവുകയാണ്. താജ് ഹോട്ടല് ജീവനക്കാരനാണ് തെരുവുനായക്ക് കുട ചൂടി നൽകിയത്. താജ്മഹൽ പാലസിലെ കോഫിഷോപ്പിന് പുറത്തു നിന്നുള്ളതാണ് ചിത്രം. ജീവനക്കാരന്റെ കാലിനോടു ചേര്ന്ന് നായ ഇരിക്കുന്നതും കാണാം.
യുവാവിനെ അഭിനന്ദിച്ച് രംഗത്ത് വന്നവരുടെ കൂട്ടത്തിൽ ടാറ്റാ ഗ്രൂപ്പ് ചെയര്മാന് രത്തന് ടാറ്റയും ഉണ്ട്. തെരുവിലെ മൃഗങ്ങളോട്, പ്രത്യേകിച്ച് നായകളോട് രത്തന് ടാറ്റക്കുള്ള സ്നേഹം ഏവര്ക്കും അറിയുന്ന കാര്യമാണ്. നായക്കും കുടക്കീഴില് ഇടംനല്കിയ ജീവനക്കാരന്റെ ചിത്രം തന്റെ ഇൻസ്റ്റഗ്രാം പേജിലൂടെ ടാറ്റ പങ്കുവെച്ചു.“അതിശക്തമായ മഴ പെയ്യുമ്പോഴും നിരവധി തെരുവു മൃഗങ്ങളിലൊന്നുമായി തന്റെ കുട പങ്കുവെക്കാന് മാത്രം കനിവുള്ളയാളാണ് ഈ താജ് ജീവനക്കാരന്. മുംബൈയുടെ തിരക്കില്നിന്നുള്ള ഹൃദയം നിറയ്ക്കുന്ന കാഴ്ച”- ഇൻസ്റ്റഗ്രാമിൽ ടാറ്റ കുറിച്ചു.
Most Read: ലിംഗഭേദമില്ല; മീഷോയിൽ ജീവനക്കാർക്ക് കുഞ്ഞുങ്ങളെ നോക്കാൻ അവധി