വയനാട്: കൽപ്പറ്റ അയ്യപ്പ ക്ഷേത്രത്തിന് സമീപം നിയന്ത്രണം വിട്ട കാർ മതിലിലിടിച്ചുണ്ടായ അപകടത്തിൽ ഒരാൾ മരിച്ചു. ചുണ്ടേൽ ആനപ്പാറ കുന്നത്ത് മറയിൽ ചന്ദ്രന്റെയും റാണിയുടേയും ഏകമകൻ ആകാശ് ആണ് മരിച്ചത്. 22 വയസായിരുന്നു. കൽപ്പറ്റ ലിയോ ആശുപത്രിയിൽ ജീവനക്കാരനായിരുന്നു.
ഇന്ന് പുലർച്ചെയാണ് അപകടം നടന്നത്. അപകടത്തിൽ കാറിന്റെ എഞ്ചിൻ വേർപെട്ട് തെറിച്ചുപോയി. സഹയാത്രികൻ വിപിനെ (23) നിസാര പരിക്കുകളോടെ കൽപ്പറ്റ സ്വകാര്യ ആശുപത്രിയിൽ പ്രവേശിപ്പിച്ചു.
Read also: 6 കിലോ കഞ്ചാവുമായി മൂവർ സംഘം പിടിയിൽ