ന്യൂഡെൽഹി: രാജ്യത്തെ കോവിഡ് സാഹചര്യം വിലയിരുത്താൻ 11 സംസ്‌ഥാനങ്ങളിലെ പ്രതിനിധികളുമായി കേന്ദ്ര ക്യാബിനറ്റ് സെക്രട്ടറി യോഗം ചേർന്നു. എല്ലാ സംസ്‌ഥാനങ്ങളോടും കൂടുതൽ ജാഗ്രത പാലിക്കാൻ സെക്രട്ടറി നിർദ്ദേശം നൽകി.
മഹാരാഷ്‌ട്രയിൽ രോഗ വ്യാപനം ഉയരുന്ന സാഹചര്യത്തിൽ കൂടുതൽ ഫലപ്രദമായ നിയന്ത്രണങ്ങൾ ഏർപ്പെടുത്താൻ ആവശ്യപ്പെട്ടു. പതിനൊന്ന് സംസ്‌ഥാനങ്ങൾ രോഗ വ്യാപനത്തിൽ ആശങ്ക ഉയർത്തുന്നുണ്ട്. 90 ശതമാനം കേസുകളും ഈ സംസ്‌ഥാനങ്ങളിൽ നിന്നാണ് റിപ്പോർട് ചെയ്യുന്നതെന്ന് യോഗത്തിൽ ക്യാബിനറ്റ് സെക്രട്ടറി പറഞ്ഞു. അതോടൊപ്പം വാക്‌സിനേഷൻ ഊർജിതമാക്കാൻ ശക്‌തമായ നടപടികൾ സ്വീകരിക്കണമെന്ന് കേന്ദ്രഭരണ പ്രദേശങ്ങളോടും സംസ്‌ഥാനങ്ങളോടും സെക്രട്ടറി ആവശ്യപ്പെട്ടു.
Also Read: കോവിഡ് വ്യാപനം; കലാശക്കൊട്ടിന് വിലക്ക്
