യുഎഇ : യുഎഇയില്‍ കഴിഞ്ഞ 24 മണിക്കൂറില്‍ 1,283 ആളുകള്‍ക്ക് കൂടി കോവിഡ് സ്‌ഥിരീകരിച്ചു. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 1,65,250 ആയി ഉയര്‍ന്നു. കഴിഞ്ഞ 24 മണിക്കൂറില്‍ രാജ്യത്ത് കോവിഡ് ബാധിച്ചു 3 പേര്‍ കൂടി മരിച്ചതായി ആരോഗ്യ മന്ത്രാലയം വ്യക്‌തമാക്കി. രാജ്യത്ത് ഇതുവരെ കോവിഡ് ബാധിച്ചു മരിച്ച ആകെ ആളുകളുടെ എണ്ണം 567 ആണ്.
കഴിഞ്ഞ ദിവസം രാജ്യത്ത് കോവിഡ് രോഗമുക്‌തരായത് 838 ആളുകളാണ്. ഇതോടെ രാജ്യത്തെ ആകെ കോവിഡ് മുക്‌തരുടെ എണ്ണം 1,52,708 ആയി ഉയര്‍ന്നു. നിലവില്‍ രാജ്യത്തിന്റെ വിവിധ ഭാഗങ്ങളിലായി ആകെ 11,975 ആളുകള്‍ ചികിൽസയില്‍ കഴിയുന്നുണ്ട്. കഴിഞ്ഞ ദിവസം രാജ്യത്ത് 1,45,103 ആളുകളിലാണ് കോവിഡ് പരിശോധന നടത്തിയത്. ഇതോടുകൂടി രാജ്യത്തിതുവരെ 1.62 കോടിയില്‍ അധികം കോവിഡ് പരിശോധനകള്‍ നടത്തിയതായി ആരോഗ്യമന്ത്രാലയം വ്യക്‌തമാക്കുന്നുണ്ട്.
Read also : കുവൈറ്റ്; സ്‌കൂളുകള്‍ അടുത്ത വര്‍ഷം മാര്‍ച്ചോടെ തുറക്കാന്‍ പദ്ധതി
