കാസർഗോഡ്: ജില്ലയിലെ ഉളിയത്തടുക്കയിൽ 14കാരിയെ പീഡിപ്പിച്ച കേസിൽ മൂന്ന് പേർ അറസ്റ്റിൽ. പ്രദേശവാസികളാണ് അറസ്റ്റിലായത്. ഒരാളെ കസ്റ്റഡിയിൽ എടുക്കുകയും ചെയ്തു.
ചൈൽഡ് വെൽഫെയർ കമ്മിറ്റി നടത്തിയ അന്വേഷണത്തിലും കൗൺസിലിംഗിലുമാണ് പീഡന വിവരം പുറത്തറിഞ്ഞത്. കഴിഞ്ഞ ഒരു വർഷമായി കുട്ടി പീഡനത്തിന് ഇരയായതായാണ് കണ്ടെത്തൽ. തുടർന്ന് ചൈൽഡ് വെൽഫെയർ കമ്മിറ്റി പോലീസിൽ പരാതി നൽകുകയായിരുന്നു.
വനിതാ പോലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. കേസിൽ അറസ്റ്റിലായ മൂന്ന് പേരെ കോടതിയിൽ ഹാജരാക്കി റിമാൻഡ് ചെയ്തു. കസ്റ്റഡിയിലുള്ള ആളെ ഉടൻ അറസ്റ്റ് ചെയ്യുമെന്നാണ് വിവരം. നിലവിൽ ചൈൽഡ് വെൽഫെയർ കമ്മിറ്റിയുടെ സംരക്ഷണയിലാണ് കുട്ടി.
Most Read: കുറ്റ്യാടിയിലെ പരസ്യ പ്രതിഷേധം; കൂടുതൽ നടപടിയുമായി സിപിഎം