കോഴിക്കോട്: ട്രെയിനിൽ കടത്താൻ ശ്രമിച്ച 18 കിലോഗ്രാം കഞ്ചാവ് കോഴിക്കോട് അർപിഎഫിന്റെ സ്പെഷ്യൽ സ്ക്വാഡായ ക്രൈം പ്രിവൻഷൻ ഡിറ്റക്ഷൻ സ്ക്വാഡ് (സിപിടിഎഫ്) പിടികൂടി. പാഴ്സൽ ഉടമ ധർമടം അറക്കലകത്ത് വീട്ടിൽ എ ഖലീലിനെ (36) തലശ്ശേരി പോലീസിന്റെ സഹായത്തോടെ പിടികൂടി എക്സൈസ് സംഘത്തിന് കൈമാറി. മൽസ്യമെന്ന വ്യാജേനയാണ് കഞ്ചാവ് പാഴ്സലായി ട്രെയിനിൽ കടത്താൻ ശ്രമിച്ചത്.
ഇന്നലെ രാത്രി വെസ്റ്റ്-കോസ്റ്റ് ട്രെയിനിലാണ് സംഭവം. ടിക്കറ്റ് ഇല്ലാതെ സംശയാസ്പദ സാഹചര്യത്തിൽ കണ്ട ഖലീലിലെ പിടികൂടി ചോദ്യം ചെയ്തപ്പോഴാണ് പാഴ്സൽ സ്വീകരിക്കാനായി കാത്തു നിൽക്കുകയാണെന്ന് പറഞ്ഞത്. ഇയാളുടെ പെരുമാറ്റത്തിൽ സംശയം തോന്നിയ പോലീസ് പാഴ്സൽ തുറന്ന് പരിശോധിക്കാൻ കോഴിക്കോട് സ്റ്റേഷനിൽ അറിയിക്കുകയായിരുന്നു. തുടർന്നാണ് ഇയാളിൽ നിന്ന് 18 കിലോഗ്രാം കഞ്ചാവ് പിടികൂടിയത്.
ആർപിഎഫ് എസ്ഐ പി സുനിൽകുമാർ, കോൺസ്റ്റബിൾമാരായ വിപി മഹേഷ്, സി അബ്ബാസ്,ടി വിജേഷ്, പി ജയചന്ദ്രൻ എന്നിവരുടെ നേതൃത്വത്തിലുള്ള സംഘമാണ് കഞ്ചാവ് പിടികൂടിയത്.
Read Also: കരുവന്നൂര് ബാങ്ക് തട്ടിപ്പ്; പ്രതികളുടെ ബിനാമി ഇടപാടിൽ അന്വേഷണം