തിരുവനന്തപുരം: സംസ്ഥാനത്തിന് 2,65,160 ഡോസ് വാക്സിന് കൂടി ലഭ്യമായതായി ആരോഗ്യവകുപ്പ് മന്ത്രി വീണാ ജോര്ജ് അറിയിച്ചു. 61,150 ഡോസ് കോവീഷീല്ഡ് വാക്സിന് എറണാകുളത്തും 42,000 ഡോസ് കോവീഷീല്ഡ് വാക്സിന് കോഴിക്കോടും വെള്ളിയാഴ്ച എത്തിയിരുന്നു. ഇതുകൂടാതെ ഇന്ന് തിരുവനന്തപുരത്ത് 1,08,510 ഡോസ് കൊവാക്സിനും രാത്രിയോടെ 53,500 ഡോസ് കോവീഷീല്ഡ് വാക്സിനും എത്തിയിട്ടുണ്ട്. 1,28,82,290 ഡോസ് വാക്സിനാണ് ഇതുവരെ സംസ്ഥാനത്തിന് ലഭിച്ചത്.
അതേസമയം, സംസ്ഥാനത്ത് 1,70,976 പേർ ഇന്ന് വാക്സിൻ സ്വീകരിച്ചു. 1,234 വാക്സിനേഷന് കേന്ദ്രങ്ങളാണ് ഉണ്ടായിരുന്നത്. സംസ്ഥാനത്ത് ഇതുവരെ 1,05,02,531 പേർ വാക്സിന്റെ ഒന്നാം ഡോസും 29,76,526 പേർ രണ്ടാം ഡോസും സ്വീകരിച്ചു. ഇതോടെ ആകെ വാക്സിൻ സ്വീകരിച്ചവരുടെ എണ്ണം 1,34,79,057 ആയി.
Read also: കോവിഡ് പ്രോട്ടോക്കോൾ ലംഘിച്ചെന്നത് നുണക്കഥ; ഐഷ സുൽത്താന