ശ്രീനഗര്: ജമ്മു കശ്മീരിലെ നൗഷേരാ-സുന്ദര്ബനി സെക്ടറിലുണ്ടായ കുഴിബോംബ് സ്ഫോടനത്തിൽ രണ്ട് സൈനികര് കൊല്ലപ്പെട്ടതായി റിപ്പോര്ട്. അപകടത്തിൽ 3 പേര്ക്ക് പരിക്കേറ്റതായും റിപ്പോര്ട്ടില് സൂചിപ്പിക്കുന്നു. ലൈന് ഓഫ് കണ്ട്രോളിന് സമീപം നടത്തിയ പെട്രോളിംഗിനിടെ സ്ഫോടനം ഉണ്ടായെന്നാണ് വിവരം. പരിക്കേറ്റ രണ്ട് സൈനികരുടെ നില അതീവ ഗുരുതരമാണ്.
ജമ്മുവിലെ രജൗരി ജില്ലയിലാണ് സ്ഫോടനം നടന്ന പ്രദേശം. കഴിഞ്ഞ മൂന്ന് ആഴ്ചകളോളമായി ഈ മേഖലയില് സൈന്യത്തിന്റെ ഓപ്പറേഷനുകള് നടന്നുവരികയാണ്. പൂഞ്ച് വനത്തില് ഒളിച്ചിരിക്കുന്നതായി കരുതുന്ന ഭീകരര്ക്കെതിരെ നടന്നുവരുന്ന ഏറ്റുമുട്ടലില് 9 സൈനികരും രണ്ട് സൈനിക ഉദ്യോഗസ്ഥരും കൊല്ലപ്പെട്ടിരുന്നു.
Read also: മന്ത്രി അധിക്ഷേപിച്ചു; പരാതി നൽകി അജിത്തും അനുപമയും