ന്യൂയോര്ക്ക്: ലോകത്ത് കോവിഡ് ബാധിതരുടെ എണ്ണം 20 കോടി 29 ലക്ഷം കടന്നു. വേള്ഡോമീറ്ററിന്റെ കണക്കുപ്രകാരം കഴിഞ്ഞ 24 മണിക്കൂറിനിടെ അഞ്ചര ലക്ഷത്തിലധികം കേസുകളാണ് വിവിധ രാജ്യങ്ങളിലായി റിപ്പോര്ട് ചെയ്തത്.
അതേസമയം കോവിഡ് മരണനിരക്കും ഉയരുകയാണ്. 43 ലക്ഷത്തോളം പേർക്കാണ് കോവിഡ് മൂലം ഇതുവരെ ലോകത്താകമാനം ജീവൻ നഷ്ടമായത്. നിലവില് ഒരു കോടി 63 ലക്ഷം പേരാണ് ചികിൽസയിൽ കഴിയുന്നത്.
അമേരിക്ക, ഇന്ത്യ, ബ്രസീൽ എന്നീ രാജ്യങ്ങളാണ് കോവിഡ് ബാധിതരുടെ എണ്ണത്തിൽ ലോകത്ത് ആദ്യ മൂന്ന് സ്ഥാനങ്ങളിൽ ഉള്ളത്.
പ്രതിദിന കോവിഡ് കേസുകളില് അമേരിക്ക ഒന്നാം സ്ഥാനത്ത് തുടരുകയാണ്. 60,000ത്തിൽ അധികം കേസുകളാണ് ഇന്നലെ മാത്രം രാജ്യത്ത് റിപ്പോര്ട് ചെയ്തത്. ഇതോടെ ആകെ രോഗബാധിതരുടെ എണ്ണം മൂന്ന് കോടി 65 ലക്ഷം കടന്നു. 6.32 ലക്ഷം പേര് ഇതുവരെ മരണപ്പെട്ടപ്പോൾ രോഗമുക്തി നേടിയത് രണ്ട് കോടി 98 ലക്ഷം പേരാണ്.
അതേസമയം ഇന്ത്യയില് ആകെ രോഗബാധിതരുടെ എണ്ണം മൂന്ന് കോടി 18 ലക്ഷമായി. കഴിഞ്ഞ ദിവസം 38,628 പേര്ക്കാണ് വൈറസ് ബാധ സ്ഥിരീകരിച്ചത്. മൂന്ന് കോടി പത്ത് ലക്ഷം പേര് രോഗമുക്തി നേടിയിട്ടുമുണ്ട്. നിലവില് 4.12 ലക്ഷം പേരാണ് ചികിൽസയിലുള്ളത്.
Most Read: ഇപിഎഫ് പെൻഷൻ വാങ്ങുന്നവർക്ക് ഒരു ക്ഷേമപെൻഷന് മാത്രം അർഹത