റിയാദ്: രാജ്യത്ത് കോവിഡ് ബാധിച്ച് 30 പേർ കൂടി മരിച്ചു. ഇതുവരെ 4655 പേരാണ് രോഗം ബാധിച്ച് മരിക്കുന്നത്. 461 പേർക്ക് പുതുതായി രോഗം സ്ഥിരീകരിച്ചു. ഇതോടെ ആകെ 3,32,790 പേരിലാണ് രോഗം സ്ഥിരീകരിക്കുന്നത്. ഇതിൽ 3,16,405 പേരാണ് രോഗമുക്തി നേടിയത്. പുതുതായി 769 പേർ കൂടി രോഗം ഭേദമായി ആശുപത്രി വിട്ടു.
ശനിയാഴ്‌ച രോഗം സ്ഥിരീകരിച്ചവരിൽ 62 ശതമാനവും പുരുഷന്മാരാണ്. രാജ്യത്തിൻറെ വിവിധ ഭാഗങ്ങളിലായി 11730 പേർ ചികിത്സയിൽ കഴിയുന്നുണ്ട്. ഇവരിൽ 1035 പേരുടെ സ്ഥിതി വളരെ ഗുരുതരമാണ്. വേൾഡ് മെറ്റേഴ്‌സ് എന്ന വെബ്സൈറ്റിന്റെ കണക്കുകൾ പ്രകാരം ലക്ഷത്തിൽ 133 മരണങ്ങളാണ് സൗദിയിൽ സംഭവിക്കുന്നത്. ഇക്കാര്യത്തിൽ ലോകത്ത് 55-ാം സ്ഥാനത്താണ് സൗദി.
