കോഴിക്കോട്: കിഫ്ബിയിലൂടെ ജില്ലയുടെ ആരോഗ്യ മേഖലക്ക് കൂടുതൽ പദ്ധതികൾ ഒരുങ്ങുന്നു. 325 കോടിയുടെ പദ്ധതികളാണ് ജില്ലയുടെ ആരോഗ്യ പരിപാലനത്തിന് വേണ്ടി കിഫ്ബിയിൽ വകയിരുത്തിയത്. ഗവ. ബീച്ച്‌ ജനറൽ ആശുപത്രിയിൽ അത്യാഹിത വിഭാഗം, ട്രോമാ കെയർ, മോർച്ചറി, വിശാലമായ കാന്റീൻ എന്നിവയാണ് നിർമ്മിക്കുന്നത്. ഒപി മുതൽ ശസ്‌ത്രക്രിയാ വാർഡുവരെ നവീകരിക്കും.
പഴയ കെട്ടിടത്തിന്റെ പൈതൃകം നിലനിർത്തി 174 കോടി രൂപയുടെ സമഗ്ര വികസനമാണ്‌ കിഫ്‌ബി വഴി ആശുപത്രിയിൽ നടപ്പാക്കുന്നത്. ബീച്ച്‌ ആശുപത്രി മാത്രമല്ല, ജില്ലയിലെ താലൂക്ക്‌ ആശുപത്രികളിലും കിഫ്‌ബി വഴി ചികിൽസാ സൗകര്യങ്ങൾ സജ്ജമാകുകയാണ്.
ഇതിന് പുറമെ ഫറോക്ക്‌, ബാലുശേരി, കൊയിലാണ്ടി, പേരാമ്പ്ര താലൂക്ക്‌ ആശുപത്രികളിൽ കെട്ടിടങ്ങൾ നിർമ്മിക്കാനുള്ള പദ്ധതികളാണ് കിഫ്ബിയിൽ തയ്യാറാവുന്നത്‌. ബാലുശേരി താലൂക്ക്‌ ആശുപത്രി കെട്ടിട നിർമ്മാണത്തിന്‌ 21 കോടി രൂപയുടെ അനുമതിയായി.
ഫറോക്ക്‌ താലൂക്ക്‌ ആശുപത്രി നവീകരണത്തിന്‌ 23.5 കോടി, കൊയിലാണ്ടി താലൂക്ക്‌ ആശുപത്രി പുതിയ ബ്ളോക്കിന്‌ 30 കോടി, പേരാമ്പ്ര താലൂക്ക്‌ ആശുപത്രി വികസനത്തിനായി 77.47 കോടി എന്നിവയാണ് കിഫ്‌ബിയിലെ മറ്റു പദ്ധതികൾ.
Read Also: റാണിപുരത്ത് മൃഗവേട്ടയും കാട്ടുതീയും തടയാന്‍ വനംവകുപ്പ് നടപടികള്‍ ആരംഭിച്ചു
