ഇടുക്കി: ഇടുക്കിയിൽ അഞ്ച് വയസുകാരന് ക്രൂര മർദ്ദനമേറ്റതായി പരാതി. ഉണ്ടപ്ളാവ് എന്ന സ്‌ഥലത്ത് അസം സ്വദേശികളായ ദമ്പതികളുടെ മകനാണ് മർദ്ദനമേറ്റത്. മർദ്ദനത്തെ തുടർന്ന് കുട്ടിയുടെ തലയോട്ടിക്ക് പൊട്ടലേൽക്കുകയും ആന്തരിക രക്‌തസ്രാവം ഉണ്ടാവുകയും ചെയ്‌തു.
തൊടുപുഴ ആശുപത്രിയിലാണ് കുട്ടിയെ പ്രവേശിപ്പിച്ചത്. കുട്ടി അപകടനില തരണം ചെയ്‌തതായി ഡോക്‌ടർമാർ അറിയിച്ചു. സംഭവത്തിൽ കുട്ടിയുടെ പിതാവിന്റെ സഹോദരനെ പോലീസ് കസ്‌റ്റഡിയിൽ എടുത്തു.
ഇന്നലെ രാത്രിയാണ് സംഭവം നടന്നത്. വീണ് പരുക്കേറ്റെന്നു പറഞ്ഞാണ് കുട്ടിയെ ആശുപത്രിയിൽ എത്തിച്ചത്. പോലീസ് എത്തി ചോദ്യം ചെയ്‌തപ്പോഴാണ്‌ മർദ്ദന വിവരം പുറത്തുവന്നത്.
Also Read: വാളയാര്‍ പെണ്‍കുട്ടികളുടെ അമ്മയുടെ സമരം ഇന്ന് അവസാനിക്കും
