കൊച്ചി : ലക്ഷദ്വീപ് ബോട്ടപകടത്തിൽ കാണാതായ 9 മൽസ്യ തൊഴിലാളികളിൽ 8 പേരെ കണ്ടെത്തി. കടമത്ത് ദ്വീപിൽ നിന്നാണ് ഇവരെ കണ്ടെത്തിയത്. അപകടത്തിൽ പെട്ട് ബോട്ട് മുങ്ങിയതോടെ ദ്വീപിലെ ഒറ്റപ്പെട്ട സ്‌ഥലത്ത് ഇവർ നീന്തി കയറുകയായിരുന്നു. അതേസമയം തന്നെ ബോട്ടിലുണ്ടായിരുന്ന ഒരാളെ കുറിച്ച് വിവരമില്ലെന്ന് തീരസംരക്ഷണ സേന അറിയിച്ചു.
രക്ഷപ്പെടുത്തിയ മൽസ്യ തൊഴിലാളികളെ കോസ്‌റ്റ്ഗാർഡ് കപ്പലിൽ സുരക്ഷിത സ്‌ഥാനത്തേക്ക്‌ മാറ്റിയിട്ടുണ്ട്. കഴിഞ്ഞ ദിവസമുണ്ടായ ശക്‌തമായ കാറ്റിലും മഴയിലുമാണ് വൈപ്പിനിൽ നിന്ന് മൽസ്യബന്ധനത്തിന് പോയ ബോട്ട് ലക്ഷദ്വീപിൽ അപകടത്തിൽ പെട്ടത്.
തമിഴ്‌നാട്ടിൽ നിന്നുള്ള ആണ്ടവൻ തുണൈ എന്ന ബോട്ടാണ് ബിത്ര ദ്വീപിന് സമീപം ശക്‌തമായ കാറ്റിലും മഴയിലും മുങ്ങിയത്. മെയ് 1ആം തീയതിയാണ് ഇവർ വൈപ്പിൻ തീരത്ത് നിന്നും മൽസ്യ ബന്ധത്തിനായി പുറപ്പെട്ടത്. തമിഴ്‌നാട് നാഗപട്ടണം സ്വദേശികളായ 7 പേരും 2 ഉത്തരേന്ത്യക്കാരുമാണ് ബോട്ടിലുണ്ടായിരുന്നത്.
Read also : ബംഗാളില്‍ ലോക്ക്‌ഡൗൺ ലംഘിച്ച് ധർണ; ബിജെപി എംഎൽഎമാർ കസ്‌റ്റഡിയിൽ
