ന്യൂഡെൽഹി: രണ്ടാം മോദി സർക്കാരിന്റെ ആദ്യ മന്ത്രിസഭാ പുനഃസംഘടന ഇന്ന് വൈകിട്ട് അഞ്ചരക്ക് നടക്കും. പ്രവർത്തനങ്ങൾ തൃപ്തികരമല്ലാത്ത ഏതാനും മന്ത്രിമാരെ ഒഴിവാക്കിയും ചില സഹമന്ത്രിമാരെ കാബിനറ്റ് റാങ്കിലേക്ക് ഉയർത്തിയുമാണ് സഭാ വികസനം.
പ്രമുഖ വ്യവസായിയും കർണാടകയിൽ നിന്നുള്ള രാജ്യസഭാംഗവും മലയാളിയുമായ രാജീവ് ചന്ദ്രശേഖറും കേന്ദ്രമന്ത്രിയാകും. കേരളത്തിലെ എൻഡിഎ വൈസ് ചെയർമാൻ കൂടിയാണ് ഇദ്ദേഹം. വൈകുന്നേരം ആറു മണിക്ക് മന്ത്രിമാരുടെ സത്യപ്രതിജ്ഞ നടക്കുമെന്നാണ് വിവരം. പുനഃസംഘടന സംബന്ധിച്ച അവസാനവട്ട ചർച്ചകൾ നീളുകയാണെങ്കിൽ സത്യപ്രതിജ്ഞ നാളത്തേക്ക് മാറ്റിയേക്കും.
Also Read: വടക്ക് കിഴക്കൻ സംസ്ഥാനങ്ങളിൽ കോവിഡ് വർധിക്കുന്നു; ആശങ്ക അറിയിച്ച് കേന്ദ്രം