തിരൂർ: മലപ്പുറം ജില്ലയിലെ ഒഴൂർ പെരിഞ്ചേരിയിൽ എട്ടര കിലോ കഞ്ചാവ് കണ്ടെടുത്തു. പ്രദേശത്ത് എക്‌സൈസ് സംഘം നടത്തിയ പരിശോധനയിലാണ് കഞ്ചാവ് കണ്ടെത്തിയത്. ചില്ലറ വിൽപനക്കാർക്ക് എത്തിക്കാൻ സൂക്ഷിച്ചിരുന്ന കഞ്ചാവാണെന്നാണ് എക്‌സൈസിന്റെ പ്രാഥമിക നിഗമനം.
വിപണിയിൽ രണ്ട് ലക്ഷത്തോളം രൂപ വിലവരുന്ന കഞ്ചാവാണ് പിടിച്ചെടുത്തതെന്ന് എക്‌സൈസ് ഉദ്യോഗസ്‌ഥർ പറഞ്ഞു. എക്‌സൈസ് സർക്കിൾ ഇൻസ്‌പെക്‌ടർ ബി സുമേഷ്, പ്രിവന്റീവ് ഓഫീസർ ടി യൂസുഫലി, സിവിൽ എക്‌സൈസ് ഓഫീസർമാരായ ഗിരീഷ്, സുമേഷ്, ഡ്രൈവർ പ്രമോദ് എന്നിവർ പരിശോധനയിൽ പങ്കെടുത്തു. സംഭവത്തിൽ അന്വേഷണം ആരംഭിച്ചു.
Also Read: തൊഴില്‍ വകുപ്പ് കിറ്റെക്‌സിന് നല്‍കിയ നോട്ടീസ് പിന്‍വലിച്ചു
