ടോക്യോ: ബോക്സിങ്ങിൽ ഇന്ത്യയുടെ ഉറച്ച മെഡൽ പ്രതീക്ഷയായിരുന്ന മേരികോം പുറത്ത്. 51 കിലോഗ്രാം ഫ്ളൈവെയ്റ്റില് മേരികോം കൊളംബിയയുടെ ലോറെന വലന്സിയയോടാണ് തോൽവി ഏറ്റുവാങ്ങിയത്. ആവേശകരമായ മൽസരത്തിൽ 3–2നായിരുന്നു ലോറെനയുടെ വിജയം. 2016 റിയോ ഒളിമ്പിക്സില് വെങ്കലം നേടിയ താരമാണ് ലോറെന.
ആറ് വട്ടം ലോകചാമ്പ്യനും, 2012 ലണ്ടന് ഒളിമ്പിക്സിലെ വെങ്കല മെഡൽ ജേതാവുമായ മേരികോമിന്റെ മറ്റൊരു ഒളിമ്പിക്സ് മോഹം കൂടിയാണ് ഇന്ന് ടോക്യോയിലെ ഇടിക്കൂട്ടിൽ പൊലിഞ്ഞത്. അമ്മയായ ശേഷം റിങ്ങിലെത്തി നേട്ടങ്ങൾ കൊയ്ത് ലോകമെമ്പാടുമുള്ള പെൺകുട്ടികൾക്ക് പ്രചോദനം നൽകിയ കായിക താരം കൂടിയായിരുന്നു മേരികോം.
Read Also: സഞ്ജയ് ദത്തിന് പിറന്നാൾ ആശംസകൾ; പോസ്റ്റർ പുറത്തുവിട്ട് കെജിഎഫ് ടീം
