ദുബായ്: പെരുന്നാൾ ആഘോഷത്തിനിടക്ക് പടക്കങ്ങൾ ഉപയോഗിക്കരുതെന്ന് മുന്നറിയിപ്പ് നൽകി ദുബായ് പോലീസ്. പൊതുജന സുരക്ഷയുടെ ഭാഗമായി പടക്കങ്ങൾ വിൽക്കുന്നതും, വാങ്ങുന്നതും, പൊട്ടിക്കുന്നതും ഒഴിവാക്കണമെന്ന് അധികൃതർ വ്യക്തമാക്കി. ലംഘിക്കുന്ന ആളുകൾക്ക് ഒരു വർഷം തടവും 1,00,000 ദിർഹം പിഴയും ശിക്ഷയായി ചുമത്തുമെന്നും അധികൃതർ മുന്നറിയിപ്പ് നൽകി.
ആയുധങ്ങൾ, വെടിമരുന്ന്, സ്ഫോടക വസ്തുക്കൾ, സൈനിക ഉപകരണങ്ങൾ, അപകടകരമായ വസ്തുക്കൾ എന്നിവയുടെ വ്യാപാരം, ഇറക്കുമതി എന്നിവ ക്രിമിനൽ കുറ്റമാക്കുന്ന 2019ലെ 17ആം നമ്പർ ഫെഡറൽ ഡിക്രി നിയമപ്രകാരമാണ് നിയമലംഘകർക്കെതിരെ കേസെടുക്കുന്നത്. വീട്ടിലോ പൊതുസ്ഥലങ്ങളിലോ തീപിടുത്തം ഉണ്ടാകാതിരിക്കാൻ കുട്ടികളെ പടക്കം പൊട്ടിക്കുന്നതിൽ നിന്ന് തടയണമെന്നും ദുബായ് പോലീസ് മാതാപിതാക്കൾക്ക് അറിയിപ്പ് നൽകി.
Read also: ഇന്ത്യൻ വിദ്യാർഥികൾക്ക് തിരികെ എത്താൻ അനുമതി നൽകി ചൈന