ന്യൂഡെൽഹി: ചൈനയിൽ പഠിക്കുന്ന ഇന്ത്യൻ വിദ്യാർഥികൾക്ക് നിബന്ധനകളോടെ തിരികെ എത്താൻ അനുമതി നൽകി ചൈന. ഇന്ത്യ നൽകുന്ന പട്ടിക പ്രകാരമായിരിക്കും പഠനത്തിനായി ചൈനയിലേക്ക് തിരികെ എത്താൻ അനുമതി നൽകുക.
പഠനം പൂർത്തിയാക്കുന്നതിനായി തിരികെ എത്താൻ ആഗ്രഹിക്കുന്ന വിദ്യാർഥികൾ ഗൂഗിൾ ഫോമിൽ മെയ് 8ആം തീയതിക്കകം വിവരങ്ങൾ നൽകണമെന്ന് വിദേശകാര്യ മന്ത്രാലയം വ്യക്തമാക്കി. https://forms.gle/MJmgByc7BrJj9MPv7 എന്ന ലിങ്ക് വഴിയാണ് ഗൂഗിൾ ഫോമിൽ വിവരങ്ങൾ നൽകേണ്ടത്. തുടർന്ന് വിവരങ്ങൾ നൽകിയ വിദ്യാർഥികളുടെ പട്ടിക ഇന്ത്യ ചൈനക്ക് കൈമാറും.
ശേഷം ചൈനീസ് അധികൃതർ പരിശോധിച്ച് അർഹരായ വിദ്യാർഥികൾക്ക് പഠനം പൂർത്തിയാക്കാൻ അനുമതി നൽകും. തിരികെ പോകാൻ അനുമതി ലഭിക്കുന്ന വിദ്യാർഥികൾ ചൈനയിലെ കോവിഡ് നിയന്ത്രണങ്ങൾ കർശനമായി പാലിക്കണമെന്നും, അതിന്റെ ചിലവുകൾ സ്വയം ഏറ്റെടുക്കണമെന്നും അധികൃതർ വ്യക്തമാക്കി.
Read also: പാണമ്പ്രയിൽ യുവതികൾക്ക് മർദ്ദനം; പ്രതിയെ കസ്റ്റഡിയിൽ എടുത്തു