ഗുരുഗ്രാം: ടെന്നിസ് താരം രാധിക യാദവിനെ (25) പിതാവ് വെടിവെച്ചുകൊന്നു. ഗുരുഗ്രാമിലെ സുശാന്ത് ലോക് ഫേസ്-2ലെ വസതിയിൽ ഇന്ന് രാവിലെ 10.30 ഓടെയായിരുന്നു സംഭവം. രാധികയ്ക്ക് നേരെ പിതാവ് അഞ്ച് റൗണ്ട് വെടിയുതിർത്തുവെന്നാണ് വിവരം. മൂന്ന് ബുള്ളറ്റുകൾ രാധികയുടെ ശരീരത്തിൽ നിന്ന് കണ്ടെടുത്തു.
പരിക്കേറ്റ രാധികയെ ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പിതാവിനെ പോലീസ് അറസ്റ്റ് ചെയ്തു. എപ്പോഴും ഇൻസ്റ്റഗ്രാം റീൽസെടുക്കുന്ന മകളുടെ സ്വഭാവത്തിൽ പിതാവ് അസ്വസ്ഥനായിരുന്നു എന്നാണ് റിപ്പോർട്. രാധിക പങ്കുവെച്ച ഒരു റീൽസിനെ ചൊല്ലിയുള്ള തർക്കമാണ് വെടിവയ്പ്പിൽ കലാശിച്ചതെന്ന് ഗുരുഗ്രാം പോലീസ് പബ്ളിക് റിലേഷൻസ് ഓഫീസർ സന്ദീപ് കുമാർ പറഞ്ഞു.
പിതാവ് ഉപയോഗിച്ച തോക്ക് പോലീസ് പിടിച്ചെടുത്തിട്ടുണ്ട്. സംസ്ഥാനതല ടെന്നിസ് താരമായിരുന്ന രാധിക, നിരവധി മൽസരങ്ങളിൽ വിജയിച്ചിട്ടുണ്ട്. രാജ്യാന്തര ടെന്നിസ് ഫെഡറേഷന്റെ പട്ടികയിൽ ഡബിൾസ് ടെന്നിസ് കളിക്കാരിൽ 113ആം സ്ഥാനത്താണ് രാധികയെന്നാണ് റിപ്പോർട്ടുകൾ. പോസ്റ്റുമോർട്ടത്തിന് ശേഷം രാധികയുടെ മൃതദേഹം ബന്ധുക്കൾക്ക് വിട്ടുകൊടുക്കും.
Most Read| വാക്സിനേഷൻ മന്ദഗതിയിൽ; ഒരു ഡോസ് പോലും ലഭിക്കാതെ ഇന്ത്യയിൽ 1.44 ദശലക്ഷം കുട്ടികൾ!
