തിരുവനന്തപുരം: മുതലപ്പൊഴിക്ക് സമീപം കായലിൽ കാണാതായ മൽസ്യത്തൊഴിലാളിയുടെ മൃതദേഹം കണ്ടെത്തി. അഞ്ചുതെങ്ങ് പുത്തൻമണ്ണ് വാടയിൽ വീട്ടിൽ തോമസിന്റെ (പ്രവീൻ,37) മൃതദേഹമാണ് കണ്ടെത്തിയത്. മുതലപ്പൊഴി താഴംപള്ളി ലേലഹാളിന് സമീപം കായലിൽ മൽസ്യത്തൊഴിലാളികളാണ് മൃതദേഹം കണ്ടെത്തിയത്.
കടലിൽ മീൻപിടിത്തം കഴിഞ്ഞ് മടങ്ങുന്നതിനിടെ താഴംപള്ളി ലേലഹാളിനടുത്ത് അഞ്ചുതെങ്ങ് കായലിലാണ് തോമസ് വീണത്. ഇന്നലെ വൈകീട്ട് 5.30ന് ആയിരുന്നു സംഭവം. ഇന്നലെ അഗ്നിരക്ഷാ സേനയുടെ സ്കൂബ സംഘം സ്ഥലത്തെത്തി തിരച്ചിൽ ആരംഭിച്ചിരുന്നു. രമ്യ ഹരിദാസ് എംഎൽഎ സ്ഥലത്തെത്തി രക്ഷാപ്രവർത്തനങ്ങൾക്ക് നേതൃത്വം നൽകി.
രാത്രി എട്ടുമണിയോടെ അവസാനിപ്പിച്ച തിരച്ചിൽ ഇന്ന് പുലർച്ചെ ആറുമണിയോടെ പുനരാരംഭിക്കുകയായിരുന്നു. അപകടമുണ്ടായ വള്ളത്തിൽ തോമസിന്റെ അച്ഛൻ ക്ളെരിയാൻ, മൽസ്യത്തൊഴിലാളികളായ മുത്തപ്പൻ, പത്രോസ്, ടെറി റിച്ചാർഡ് എന്നിവരും ഉണ്ടായിരുന്നു. ജോലി ചെയ്യുന്നതിനിടെ തോമസ് വള്ളത്തിൽ നിന്ന് കായലിലേക്ക് തെറിച്ച് വീഴുകയായിരുന്നു. ഇയാൾ അപസ്മാര രോഗബാധിതനായിരുന്നു എന്ന് ബന്ധുക്കൾ പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
