തൃശൂർ: ഡിവൈഎഫ്ഐ സംസ്ഥാന പ്രസിഡണ്ടായി സംഘടനയുടെ കേന്ദ്ര കമ്മിറ്റി അംഗവും സിപിഎം സംസ്ഥാന കമ്മിറ്റി അംഗവുമായ ചിന്ത ജെറോമിനെ തിരഞ്ഞെടുത്തു. സംഘടനയുടെ തലപ്പത്തെത്തുന്ന ആദ്യ വനിതാ പ്രസിഡണ്ടാണ് ചിന്ത. എസ്എഫ്ഐ മുൻ സംസ്ഥാന സെക്രട്ടറിയും കല്യാശേരി എംഎൽഎയുമായ എം. വിജിൻ ആണ് സെക്രട്ടറി.
ആലപ്പുഴയിൽ നിന്നുള്ള രാഹുൽ ആണ് ട്രഷറർ. തൃശൂരിൽ നടക്കുന്ന സംസ്ഥാന സമ്മേളനത്തിൽ വെച്ച് എഎ റഹീം എംപിയാണ് ഭാരവാഹികളെ ഔദ്യോഗികമായി പ്രഖ്യാപിച്ചത്. 25 സെക്രട്ടറിയേറ്റ് അംഗങ്ങളെയാണ് പ്രഖ്യാപിച്ചത്. തിരുവനന്തപുരം മുൻ മേയർ ആര്യ രാജേന്ദ്രനും സംസ്ഥാന സെക്രട്ടറിയേറ്റിൽ ഉൾപ്പെട്ടിട്ടുണ്ട്. ആർ. ശ്യാമ, വി അനൂപ്, മുഹമ്മദ് അഫ്സൽ, പി ബഷീർ, നിഖിൽ ബാബു എന്നിവരാണ് വൈസ് പ്രസിഡണ്ടുമാർ.
Most Read| ഓവുചാൽ നിർമാണത്തിനിടെ 18കാരന് ലഭിച്ചത് സ്വർണനിധി!
