തിരുവനന്തപുരം: ലോകമെമ്പാടുമുള്ള മലയാളികള്ക്ക് ഓണാശംസകള് നേര്ന്ന് കേരള ഗവര്ണര് ആരിഫ് മുഹമ്മദ് ഖാന്. ലോകമെമ്പാടുമുള്ള കേരളീയര്ക്ക് തന്റെ ഹൃദയംഗമമായ ഓണാശംസകള് നേരുന്നതായി ഗവര്ണര് ഔദ്യോഗിക പ്രസ്താവനയില് പറഞ്ഞു.
ഈ ഓണക്കാലത്ത് എല്ലാ വീടുകളും ഐശ്വര്യവും സമൃദ്ധിയും കൊണ്ട് അനുഗ്രഹിക്കപ്പെടട്ടെയെന്നും ഓണപ്പാട്ടിന്റെ ഈണവും സമ്പല്സമൃദ്ധിയുടെ തിളക്കവും ഓരോ മനസിലും ഉത്സവത്തിന്റെ ആനന്ദം പകരട്ടെയെന്നും അദ്ദേഹം ആശംസിച്ചു.
പ്രതികൂലസാഹചര്യങ്ങളെ ധീരതയോടെ അതിജീവിക്കാന് കേരളത്തിന് കരിത്തു നല്കിയ ഒരുമയുടെയും സ്നേഹത്തിന്റെയും ഉത്സവം കൂടിയാകട്ടെ ഓണമെന്നും ഗവര്ണര് കൂട്ടിച്ചേര്ത്തു.
അതോടൊപ്പം ഓണം പ്രതീക്ഷയുടെ ഉത്സവമാണെന്ന് കേരള മുഖ്യമന്ത്രി പിണറായി വിജയന് പറഞ്ഞു. എല്ലാ കോവിഡ് -19 പ്രോട്ടോക്കോളുകളും പിന്തുടര്ന്ന് കേരളത്തില് ഓണം ആഘോഷിക്കുമെന്നും അദ്ദേഹം കൂട്ടിച്ചേര്ത്തു. ഓഗസ്റ്റ് 22 ന് ആരംഭിച്ച ഓണാഘോഷങ്ങള് സെപ്റ്റംബര് 2 വരെ തുടരും.