ന്യൂഡെൽഹി : രാജ്യത്ത് കോവിഡ് വ്യാപനം നടക്കുന്ന സമയത്ത് ജവഹർലാൽ നെഹ്റു സർവകലാശാലയിലെ ഹോസ്റ്റലിൽ താമസിച്ച വിദ്യാർഥികളിൽ നിന്നും പിഴ ഈടാക്കാൻ തീരുമാനം. ഇത് സംബന്ധിച്ച് അധികൃതർ വിദ്യാർഥികൾക്ക് നോട്ടീസ് നൽകി. 2000 രൂപയാണ് പിഴയായി ഈടാക്കാൻ നോട്ടീസിൽ വ്യക്തമാക്കിയിരിക്കുന്നത്.
ക്ളാസുകൾ ഇല്ലാത്ത സാഹചര്യത്തിൽ ഹോസ്റ്റലുകളിൽ താമസിക്കുന്നത് അനധികൃതമാണെന്നാണ് നോട്ടീസിൽ അധികൃതർ പറയുന്നത്. ഇക്കാര്യം വ്യക്തമാക്കിയാണ് വിദ്യാർഥികൾ 2000 രൂപ അടക്കണമെന്ന് അധികൃതർ ആവശ്യപ്പെട്ടിരിക്കുന്നത്. പിഴയൊടുക്കാൻ തയ്യാറാകാത്ത വിദ്യാർഥികളിൽ നിന്നും വീണ്ടും 2000 രൂപ കൂടി ഈടാക്കുമെന്നും നോട്ടീസിൽ വ്യക്തമാക്കുന്നുണ്ട്. കോവിഡ് വ്യാപനവും ലോക്ക്ഡൗണും മൂലം രാജ്യത്തിൻറെ വിവിധ ഭാഗങ്ങളിലുള്ള വിദ്യാർഥികൾക്കാണ് ഹോസ്റ്റലിൽ കഴിയേണ്ടി വന്നിട്ടുള്ളത്. അതിനാൽ തന്നെ പുതിയ തീരുമാനത്തിലൂടെ നിരവധി വിദ്യാർഥികൾക്കാണ് ബുദ്ധിമുട്ട് സൃഷ്ടിക്കുക.
Read also : കുപ്രസിദ്ധ ചീട്ടുകളി സംഘം കട്ടന് ബസാര് കാസിനോ പോലീസ് പിടിയില്
