പത്തനംതിട്ട: ജില്ലയിൽ തെരുവുനായയുടെ കടിയേറ്റ 12 വയസുകാരിയുടെ നില ഗുരുതരം. റാന്നി പെരുനാട് മന്ദപ്പുഴ ചേർത്തലപ്പടി ഷീനാഭവനിൽ ഹരീഷിന്റെ മകൾ അഭിരാമിയെ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.
പാൽ വാങ്ങാൻ പോകുന്നതിനിടെയാണ് കുട്ടിയെ നായ കടിച്ചത്. കയ്യിലും കാലിലും കണ്ണിന് താഴെയുമായി ഏഴിടത്ത് കടിയേറ്റിരുന്നു. പത്തനംതിട്ട ജനറൽ ആശുപത്രിയിലാണ് ആദ്യം ചികിൽസ തേടിയത്. പ്രതിരോധ വാക്‌സിൻ നൽകിയിരുന്നു. ഇന്നലെ വൈകിട്ടോടെ തീരെ വയ്യാതായ കുട്ടിയെ പത്തനംതിട്ട ജനറൽ ആശുപത്രിയിൽ എത്തിച്ചെങ്കിലും കോട്ടയം മെഡിക്കൽ കോളേജിലേക്ക് മാറ്റുകയായിരുന്നു. രണ്ടാഴ്‌ച മുൻപാണ് കുട്ടിയെ നായ കടിച്ചത്.
Most Read: അപ്രതീക്ഷിതം: മന്ത്രിയായി എം ബി രാജേഷ്; സ്‌പീക്കർ സ്‌ഥാനത്ത്‌ എഎൻ ഷംസീർ
